જો આ સફેદ ડાઘ તમારી જીભ પર છે તો તરત જ સાવધાન થઈ જાવ. આ ખતરનાક રોગની નિશાની હોઈ શકે છે. જીભ પર દેખાતા આ સફેદ ડાઘ તમારો જીવ પણ લઈ શકે છે.
જો શરીરના કોઈપણ ભાગ પર સફેદ ડાઘ દેખાય તો લોકો તરત જ ટેન્સનમાં આવી જાય છે. દરેક પ્રકારની વસ્તુઓ વિશે વિચારવાનું શરૂ કરી દે છે. ધણા લોકો ડોક્ટરોના ધક્કા ખાવા લાગે છે. પરંતુ ઘણા લોકો તેને સામાન્ય સમજીને ભૂલી જાય છે. પરંતુ જો આ સફેદ ડાઘ તમારી જીભ પર છે તો તરત જ સાવધાન થઈ જાવ. આ ખતરનાક રોગની નિશાની હોઈ શકે છે. યુટ્યુબ પર એક વીડિયો વાયરલ થઈ રહ્યો છે, જેમાં કહેવામાં આવ્યું છે કે કેવી રીતે જીભ પર દેખાતા સફેદ ડાઘ તમારો જીવ પણ લઈ શકે છે.
જીભ પર દેખાતા આ સફેદ ડાઘ કેન્સર જેવા જીવલેણ રોગના પ્રારંભિક લક્ષણ હોઈ શકે છે. તેને લ્યુકોપ્લાકિયા કહેવામાં આવે છે. મોં કે જીભમાં દેખાતા આ સફેદ ફોલ્લીઓ આકારમાં અનિયમિત અને ઉછરેલા હોય છે. સામાન્ય રીતે આમાં કોઈ દુખાવો થતો નથી. પરંતુ આને પણ દૂર કરી શકાતા નથી. તે જોખમી ન હોવા છતાં, લ્યુકોપ્લાકિયાના લગભગ 10 ટકા કેસ કેન્સરમાં ફેરવાય છે.
તાત્કાલિક દંત ચિકિત્સકને મળવું જોઈએ
જે લોકો ખૂબ ધૂમ્રપાન કરે છે તેમના મોંમાં આ સફેદ દાગ થવાની સંભાવના છે. તેથી જો આ તમારી જીભ પર દેખાય છે, તો તમારે તાત્કાલિક દંત ચિકિત્સકની સલાહ લેવી જોઈએ. કેવી રીતે જીભની કિનારે સફેદ ડાઘ ત્રણ વર્ષ પછી પ્લાકોપ્લાકિયામાં ફેરવાઈ ગયો. જેમ જેમ સમય પસાર થાય છે તેમ તેમ જીભનો રંગ બદલાય છે. પછી તે ઘાટા થઈ જાય છે અને ભૂરા અને જાંબલી રંગના બને છે.
50 % કેસ કેન્સરમાં ફેરવાય છે
આઠ વર્ષની અંદર આ પેચ ઘેરો ગુલાબી થઈ જાય છે અને એરિથ્રોપ્લાકિયા જેવા ગંભીર રોગમાં વિકસી જાય છે. જીભ અને ગાલના અંદરના ભાગમાં લાલ ઘા થવા લાગે છે. કેટલાક કિસ્સાઓમાં તે કેન્સરનું કારણ બન્યું છે. ધૂમ્રપાન કરનારા અને તમાકુ ચાવતા લોકોમાં ઇથ્રોપ્લાકિયા સૌથી સામાન્ય છે. તેના લગભગ 50 ટકા કેસ કેન્સરમાં ફેરવાય છે. તમને જણાવી દઈએ કે આઠથી 10 વર્ષમાં તે સ્ટેજ–1 કેન્સરમાં ફેરવાઈ જાય છે. જો કાળજી લેવામાં ન આવે તો આગામી એક વર્ષમાં તે સ્ટેજ 2 કેન્સર સુધી પહોંચી જાય છે. પછી ગઠ્ઠાનું કદ બમણું થાય છે. 14 વર્ષની ઉંમર સુધીમાં, તે સ્ટેજ 3 કેન્સર સુધી પહોંચે છે. સોજો આવવા લાગે છે અને જીભ કાળી થઈ જાય છે. બાદમાં તે સ્ટેજ 4 સુધી પહોંચે છે અને પછી જીવલેણ બની જાય છે. તમે તેને મોઢાનું કેન્સર પણ કહી શકો.
અસ્વીકરણ : અહીં આપેલી માહિતી માત્ર ધારણાઓ અને માહિતી પર આધારિત છે. અત્રે એ ઉલ્લેખ કરવો જરૂરી છે કે અબતક મીડિયા કોઈપણ માહિતીનું સમર્થન કે પુષ્ટિ કરતું નથી. કોઈપણ માહિતી અથવા માન્યતાને અમલમાં મૂકતા પહેલા, સંબંધિત નિષ્ણાતની સલાહ લો.
