અમેરિકી રાષ્ટ્રપતિની ચૂંટણી જીત્યા બાદ ડોનાલ્ડ ટ્રમ્પે પોતાના સમર્થકોને સંબોધિત કર્યા હતા. તેણે કહ્યું કે જુઓ હું આજે ક્યાં છું. ડોનાલ્ડ ટ્રમ્પે પોતાના સમર્થકોનો આભાર માન્યો હતો અને કહ્યું હતું કે આવો ઉત્સવ આ પહેલા ક્યારેય જોયો નથી.
તેમણે કહ્યું કે તેઓ દેશને સુરક્ષિત કરવા માટે તમામ પ્રયાસ કરશે. આ દરમિયાન તેમના સમર્થકો યુએસએ-યુએસએના નારા લગાવતા રહ્યા.
‘બધું અમેરિકાને સમર્પિત કર્યું’
‘મેક અમેરિકા ગ્રેટ અગેઇન’ ના નારાને પુનરાવર્તિત કરતા ડોનાલ્ડ ટ્રમ્પે કહ્યું કે હું અમેરિકા માટે દરેક ક્ષણે કામ કરીશ. તેણે કહ્યું કે આ મારા જીવનની સૌથી મહત્વપૂર્ણ ક્ષણ છે અને મારું બધું જ અમેરિકાને સમર્પિત છે.
