દિવાળી 1 નવેમ્બર 2024 ના રોજ ઉજવવામાં આવશે અને હવે એક મહિનાથી પણ ઓછો સમય બાકી છે. તેથી ઘરોની પેઇન્ટિંગ અને સફાઈ પણ શરૂ થશે. ત્યારે આ સમય દરમિયાન કોઈ ઝંઝટ ના લાગે અને ઓછા સમયમાં કેવી રીતે ઘરની સફાઈ કરવી તે મહત્ત્વનું છે.
ભારતમાં દિવાળીનો તહેવાર ખૂબ જ ઉત્સાહ સાથે ઉજવવામાં આવે છે. વિદેશોમાં પણ આ તહેવાર પ્રખ્યાત છે. દિવાળી પહેલા દરેક ઘરને કલર કામ કરીને રંગવામાં આવે છે અને દરેક ખૂણાને સાફ કરવામાં આવે છે. ત્યારે આવી સ્થિતિમાં ઘણું કામ ફેલાય છે અને કેટલીકવાર તેને પૂર્ણ કરવામાં ઘણી મૂંઝવણ થાય છે. જેમ કે, પડદા ધોવાથી લઈને રસોડાના ફ્લોર, સ્લેબ અને ચીમનીમાંથી સ્ટીકી લેયર અને સ્ટેન દૂર કરવા માટે ઘણી મહેનત કરવી પડે છે. આવી સ્થિતિમાં કેટલીક સરળ ટ્રિક્સની મદદથી તમે ન માત્ર પરેશાનીથી બચી શકો છો, પરંતુ તે ઓછી મહેનત પૂરુ કરી શકશો.
ઓર્ગેનાઈઝ કરીને કરો કામ :
સફાઈ દરમિયાન કે પછી વસ્તુઓ ન મળે ત્યારે સૌથી મોટી સમસ્યા સર્જાય છે. ત્યારે આના કારણે ઘણી તકલીફ પડે છે અને સમયનો પણ બગાડ થાય છે. તેથી કામ વ્યવસ્થિત રીતે કરવું જોઈએ. આ માટે કેટલાક કાર્ટૂન (કાર્ડબોર્ડ બોક્સ) લો. આ બૉક્સમાં બધી વસ્તુઓ પૅક કરો અને દરેક બૉક્સમાં કઈ વસ્તુઓ રાખવામાં આવી છે તે દર્શાવતા તમામ પર સ્ટીકરો લગાવો. તેમજ મોટા ભાગના લોકો ઘરની તમામ વસ્તુઓને એકસાથે ફેંકી દેવાની ભૂલ કરે છે. જો ઘરમાં એક કરતાં વધારે રૂમ હોય તો એક પછી એક સફાઈ અને કલરકામ પૂર્ણ કરો. જ્યારે એક ઓરડો સાફ અને રંગાઈ જાય, ત્યારે તેની સામગ્રી સેટ કરો અને પછી બીજા રૂમને સાફ કરવાનું શરૂ કરો.
બારીઓ પરના પડદા ધોવા :
જો તમારે ઘરની બારીઓ અને દરવાજા પરના પડદા ધોવા હોય તો પહેલા ગરમ પાણીનો ઉપયોગ કરો અને સફેદ વિનેગરમાં ડિટર્જન્ટ પાવડર મિક્સ કરીને તેને પલાળી રાખો. તેમજ તમે તેને મશીનમાં ધોશો કે હાથથી બધી ગંદકી સરળતાથી દૂર થઈ જશે અને પડદા નવા જેવા દેખાવા લાગશે. પડદા પરના ડાઘ-ધબ્બા પણ સરળતાથી સાફ થઈ જશે.
તાંબા અને પિત્તળના વાસણો સાફ કરવા :
દિવાળીની સફાઈ દરમિયાન તાંબા અને પિત્તળના વાસણો પણ બહાર કાઢીને સાફ કરવામાં આવે છે, જેમાં ઘણી મહેનત કરવી પડે છે. જો તમારે તાંબા અને પિત્તળના વાસણો સાફ કરવા હોય તો પાણીમાં સાઇટ્રિક એસિડ એટલે કે લીંબુનો અર્ક નાખો. તેમાં થોડો વિનેગર ઉમેરો અને આ પાણીમાં તાંબા અને પિત્તળના વાસણોને થોડી વાર રહેવા દો. બાદમાં તેને સ્ક્રબરથી સાફ કરો. આ રીતે તમારા વાસણો ચમકશે.
રસોડાની ચીમની, દિવાલો અને ફ્લોર સાફ કરવી :
રસોડાની ચીમની, દિવાલો અને ફ્લોર પરના ચીકણા ડાઘને સાફ કરવામાં ઘણો પ્રયત્ન અને સમય લાગે છે. ત્યારે આ સમસ્યાથી છુટકારો મેળવવા માટે એક કપ બેકિંગ સોડા લો અને તેમાં વિનેગર મિક્સ કરો. ફ્લોર પર જ્યાં પણ ડાઘ હોય ત્યાં આ જાડા દ્રાવણને રેડો અને થોડીવાર માટે છોડી દો. તેનાથી ડાઘ સરળતાથી સાફ થઈ જશે. ચીમનીની ચીકાશ સાફ કરવા માટે લીંબુ, ખાવાનો સોડા, સરકો, ડીટરજન્ટ અને હૂંફાળા પાણીમાં એક દ્રાવણ બનાવો. આ સોલ્યુશનથી ચીમનીને સાફ કરો.
કોકરોચ :
રસોડું એ એવી જગ્યા છે જ્યાં ખૂણામાં ભેજ હોય ત્યાં વંદા જોવા મળે છે. વંદા અને જંતુઓ માટે આ યોગ્ય જગ્યાઓ છે. તો તેનાથી છૂટકારો મેળવવા માટે લવિંગની પેસ્ટને ગરમ પાણીમાં મિક્સ કરો અને આ દ્રાવણને એવી જગ્યાએ છોડી દો, જ્યાં કોકરોચ હોય અથવા જ્યાં કીડા થવાની સંભાવના હોય. પછી તેને સાફ કરો.
