- BMW X3 એ આ વર્ષે જૂનમાં તેની વૈશ્વિક શરૂઆત કરી
- અને તે ભારતમાં જાન્યુઆરી 2025માં થશે લોન્ચ.
- બે વેરિઅન્ટમાં લોન્ચ થવાની શક્યતા છે – એક પેટ્રોલ અને એક ડીઝલ
- 2.0-લિટર નું એન્જિન જોવા મળશે
BMW ભારતમાં ચોથી પેઢીની X3 SUV લોન્ચ કરવાની તૈયારી કરી રહી છે. X3 નું પુનરાવર્તન જૂન 2024 માં વૈશ્વિક સ્તરે અનાવરણ કરવામાં આવ્યું હતું અને તે હવે આગામી વર્ષની શરૂઆતમાં ભારતીય બજારમાં પ્રવેશવાની પુષ્ટિ થઈ શકે છે, તેની શરૂઆત જાન્યુઆરી 2025 માં ભારત મોબિલિટી ગ્લોબલ એક્સ્પો ખાતે સુનિશ્ચિત કરવામાં આવી છે. વૈશ્વિક સ્તરે, 4th-gen X3 પેટ્રોલ, ડીઝલ અને પ્લગ-ઇન હાઇબ્રિડ મોડલ્સ સહિત પાવરટ્રેન વિકલ્પોની શ્રેણી સાથે ઉપલબ્ધ જોવા મળે છે. જો કે, ભારતીય બજાર માટે, BMW બે વેરિઅન્ટ ઓફર કરે તેવી અપેક્ષા જોવા મળે છે.
ડિઝાઇનની દ્રષ્ટિએ જોયે તો, નવું X3 બ્રાન્ડના નવા SUV મોડલ્સ, જેમ કે X1 અને X2 સાથે સુમેળમાં જોવા મળે છે. તેમાં નવી LED ડે ટાઈમ રનિંગ લાઈટ્સ સાથે નવા હેડલેમ્પ, અને નવા અપડેટેડ સ્ટાઇલ સાથે મોટી કિડની ગ્રિલ અને સિલુએટ, જે અગાઉના મોડલની જેમ જ, વધુ પ્રભાવશાળી જોવા મળે છે. વિશાળ કમાનો અને અન્ય સ્ટાઇલિંગ અપડેટ્સને આભારી જોવા મળે છે.
X3 ની કેબિન 5-સિરીઝ, X1 અને X2 જેવા અન્ય તાજેતરના BMW મોડલ્સમાંથી પ્રેરણા લેતા જોવા મળ્યા છે. ઇન્ટિરિયરને સુધારી દેવામાં આવ્યું છે અને તેમાં 14.9-ઇંચનું ઇન્ફોટેનમેન્ટ ડિસ્પ્લે અને 12.3-ઇંચનું ડિજિટલ ઇન્સ્ટ્રુમેન્ટ ક્લસ્ટર જોવા મળે છે. જે બંને એક યુનિટમાં સંકલિત જોવા મળે છે. સિસ્ટમ BMW ઓપરેટિંગ સિસ્ટમ 9 પર આધારિત જોવા મળે, QuickSelect સાથે નવીનતમ BMW iDrive સોફ્ટવેર પર ચાલે છે. એમ્બિયન્ટ લાઇટિંગ અને ડોર સિલ્સ અને સેન્ટર કન્સોલમાં પ્રકાશિત તત્વો પ્રીમિયમ અનુભવમાં વધારો કરે છે.
નવા X3 પરના માનક લક્ષણોમાં ત્રણ-ઝોન ઓટોમેટિક ક્લાઈમેટ કંટ્રોલ, ઇલેક્ટ્રિક ટેલગેટ અને પાવર્ડ ORVMનો સમાવેશ થાય છે. SUV BMWના લાઈવ કોકપિટ પ્લસથી પણ સજ્જ છે, જેમાં ક્લાઉડ-આધારિત BMW નકશા નેવિગેશનનો સમાવેશ થાય છે. સલામતી માટે, X3 BMW ડ્રાઇવિંગ આસિસ્ટન્ટ અને પાર્કિંગ આસિસ્ટન્ટને સ્ટાન્ડર્ડ તરીકે ઓફર કરે છે, જેમાં લેન ચેન્જ વોર્નિંગ, લેન ડિપાર્ચર વોર્નિંગ, સ્પીડ લિમિટ આસિસ્ટ, રિવર્સિંગ આસિસ્ટન્ટ અને રીઅરવ્યૂ કૅમેરાનો સમાવેશ થાય છે.
વૈશ્વિક સ્તરે, નવી BMW X3 ચાર પાવરટ્રેન વિકલ્પો સાથે ઉપલબ્ધ જોવા મળે છે. ભારતમાં, SUV 2.0-લિટર ડીઝલ એન્જિન સાથે આવશે જે 194 bhp અને 400 Nm ટોર્ક પાવર ઉત્પન્ન કરે છે અને 2.0-લિટર પેટ્રોલ એન્જિન 208 bhp અને 330 Nm ટોર્ક ઉત્પન્ન કરે છે. બંને એન્જિન આઠ-સ્પીડ ઓટોમેટિક ટ્રાન્સમિશન સાથે જોડવામાં આવશે.
