ગીર સોમનાથના ઉના નજીક 20 લાખ થી વધુ નો વિદેશી દારૂ નો જથ્થો ઝડપાયો હતો. જે વિશે મળતી માહિતી મુજબ નેસડા ગામની સીમમાં બાતમી આધારે LCB સ્કોવડ રાત્રીના ત્રાટકી હતી અને વિદેશી દારૂના કટિંગ સમયે જ પોલીસે દરોડો પડતા સ્થળ પર થી 2 ઈસમોની અટકાયત કરવામાં આવી હતી. તેમજ વાડીમાંથી LCB ને 250 પેટી દારૂનો જથ્થો મળી આવ્યો હતી તેમજ ત્યાર બાદ નજીકના વાવરડા ગામની સીમમાં છુપાવેલ અન્ય 150 પેટી વિદેશી દારૂ હાથ લાગ્યો હતો તો આ સાથે જ હજુ 300 પેટી કટીંગ કરી સપ્લાય થઈ ગયાની ચર્ચા થઇ રહી છે. સનખડા ગામના સતુ કાના નામના બુટલેગર નો દારૂ હોવાની પ્રાથમિક માહિતી મળતા સ્થળ પરથી GJ01 CU 3867 નંબરના ટ્રક અને 400 જેટલી પેટી વિદેશી દારૂનો જથ્થો કબ્જે કરવામાં આવ્યો હતો. જેમાં પોલીસે 15 લાખનો દારૂ અને 5 લાખના ટ્રક મળી આશરે 20 લાખથી વધુનો મુદ્દામાલ સીઝ કરી ગુન્હો નોંધી વધુ તપાસ હાથ ધરી હતી.
ભાવેશ ઠાકોર
