વાય રંગસૂત્ર નબળું પડી રહ્યું હોય, પુરૂષના જન્મ થવાનું પ્રમાણ ધીમે ધીમે ઘટતુ જશે, જેના કારણે સમસ્ત માનવ જીવનને અસર થશે
1 કરોડ વર્ષ પછી મનુષ્યનું અસ્તિત્વ જ નહીં રહે તેવા હાલ અનેક સંશોધનોમાં તારણ નીકળી રહ્યા છે. વાય રંગસૂત્ર નબળું પડી રહ્યું હોય, પુરુષના જન્મ થવાનું પ્રમાણ ધીમે ધીમે ઘટતુ જશે, જેના કારણે સમસ્ત માનવ જીવનને અસર થવાની છે.

મનુષ્ય અને અન્ય સસ્તન પ્રાણીઓનું જાતિ વાય રંગસૂત્ર દ્વારા નક્કી કરવામાં આવે છે. વાય રંગસૂત્ર એ કોઈપણ સસ્તન પ્રાણીમાં લિંગ નિર્ધારક પરિબળ છે. આ સજીવોમાં, નર અને સ્ત્રીને ઓળખવા માટે બે લક્ષણો છે, એક “એક્સ” અને એક છે “વાય”. વાય રંગસૂત્રને પુરુષ નિર્ધારક જનીન કહેવામાં આવે છે જ્યારે એક્સ રંગસૂત્રને સ્ત્રી નિર્ધારક જનીન કહેવામાં આવે છે. એક સંશોધન મુજબ, વાય રંગસૂત્ર ધીમે ધીમે નબળું પડી રહ્યું છે અને થોડા મિલિયન વર્ષોમાં તે પૃથ્વી પરથી અદૃશ્ય થઈ શકે છે અથવા તો પૃથ્વી પરથી લુપ્ત થઈ શકે છે.

સંશોધન મુજબ બે પ્રકારના ઉંદરોએ તેમના વાય રંગસૂત્ર ગુમાવ્યા છે, જે ચિંતાનો વિષય છે. વાય રંગસૂત્રની ભૂમિકા વિશે વાત કરીએ તો, મનુષ્યમાં, સ્ત્રીઓમાં બે એક્સ રંગસૂત્રો હોય છે, જ્યારે પુરુષોમાં એક એક્સ અને એક વાય રંગસૂત્ર હોય છે. તે પુરુષના આનુવંશિક મેકઅપમાં એક્સ રંગસૂત્ર સાથે કામ કરે છે.

સંશોધન મુજબ, 166 મિલિયન વર્ષો પહેલા મનુષ્ય અને પ્લેટિપસના અલગ થયા પછી, વાય રંગસૂત્રે મોટી સંખ્યામાં સક્રિય જનીનો ગુમાવ્યા છે. તેમની સંખ્યા હવે 900 થી ઘટીને 55 થઈ ગઈ છે. જો આ જનીનોનો ઘટાડો આમ જ ચાલુ રહેશે તો માનવામાં આવે છે કે આવનારા 11 મિલિયન એટલે કે 1.1 કરોડ વર્ષોમાં વાય રંગસૂત્ર લુપ્ત થઈ જશે.

આ રંગસૂત્ર લુપ્ત થવાની શક્યતાએ વૈજ્ઞાનિકોમાં હલચલ મચાવી દીધી છે. કેટલાક વૈજ્ઞાનિકો માને છે કે આ રંગસૂત્ર હંમેશ માટે રહેશે જ્યારે કેટલાક માને છે કે તે થોડા હજાર વર્ષોમાં પૃથ્વી પરથી લુપ્ત થઈ જશે. હવે સવાલ એ થાય છે કે શું પૃથ્વી પરથી પુરૂષો ખતમ થઈ જશે અને માત્ર સ્ત્રીઓ જ રહી જશે.જર્નલ ’પ્રોસિડિંગ્સ ઑફ ધ નેશનલ એકેડેમી ઑફ સાયન્સ’માં પ્રકાશિત થયેલ 2022નો અભ્યાસ દર્શાવે છે કે બે પ્રકારના ઉંદરોએ તેમના વાય રંગસૂત્ર ગુમાવ્યા હતા છતાં તેઓ જીવંત હતા. આ ઉંદરોએ એક નવું નર-નિર્ધારક જનીન સફળતાપૂર્વક વિકસાવ્યું છે, જે ભવિષ્યમાં આશાનું કિરણ સાબિત થશે. સંશોધન મુજબ, પૂર્વી યુરોપ અને જાપાનના કાંટાદાર ઉંદરો અગાઉ તેમના વાય રંગસૂત્ર ગુમાવી ચૂક્યા છે પરંતુ હજુ પણ જીવંત છે. આ જાતિઓમાં એક્સ રંગસૂત્ર નર અને માદા બંનેમાં રહે છે, પરંતુ વાય રંગસૂત્ર અને એસઆરવાય જનીન અદૃશ્ય થઈ ગયા છે.