ઊંઘનો અભાવ તમારા સ્વાસ્થ્ય માટે જોખમી

જો તમે પણ દરરોજ 7-8 કલાકની ઊંઘ નથી લઈ શકતા કે તેને જરૂરી નથી માનતા? તો આ લેખ તમારા માટે છે. ઊંઘ આપણા શરીરને એનર્જી આપે છે. જેથી આપણે વધુ સારી રીતે કામ કરી શકીએ. પણ ઊંઘ ન આવવાને કારણે ઘણી સ્વાસ્થ્ય સમસ્યાઓ શરૂ થાય છે. જેના વિશે તમારે જાગૃત રહેવું જોઈએ. તો ચાલો જાણીએ તે વિશે.

ઊંઘ આપણા શરીર માટે એટલી જ જરૂરી છે જેટલી ખોરાક કે પીવાનું પાણી. જેમ કે મશીનને સમયાંતરે રિચાર્જ કરવું જરૂરી છે. એ જ રીતે ઊંઘ આપણા શરીરને રિચાર્જ કરે છે. તેથી જ્યારે આપણે પૂરતી ઊંઘ નથી લેતા. ત્યારે આપણા શરીર અને મન બંનેને અસર થાય છે. ઊંઘના અભાવે ઘણી સ્વાસ્થ્ય સમસ્યાઓ પણ થઈ શકે છે. જે આપણા રોજિંદા જીવનને અસર કરી શકે છે.

શારીરિક સ્વાસ્થ્ય પર ઊંઘના અભાવની અસરો

વજન વધવું

ઊંઘ ન આવવાને કારણે આપણા શરીરમાં ઘ્રેલિન અને લેપ્ટિન નામના હોર્મોન્સનું સંતુલન ખોરવાઈ જાય છે. ઘ્રેલિન એ એક હોર્મોન છે જે ભૂખ વધારે છે. જ્યારે લેપ્ટિન ભૂખ ઘટાડે છે. ઊંઘનો અભાવ ઘ્રેલિનનું સ્તર વધારી શકે છે. જેનાથી આપણને વધુ ખાવાની ઇચ્છા થાય છે અને વજન વધે છે.

હ્રદય રોગ

ઊંઘની કમી હૃદય રોગ માટે જોખમી પરિબળોને વધારી શકે છે. જેમ કે હાઈ બ્લડ પ્રેશર, હાઈ કોલેસ્ટ્રોલ અને સ્થૂળતા જેવી સ્વાસ્થયને લગતી સમસ્યાઓ થાય છે.

નબળી રોગપ્રતિકારક શક્તિ

પૂરતી ઊંઘ ન લેવાથી આપણી રોગપ્રતિકારક શક્તિ નબળી પડી શકે છે. આના કારણે આપણે સરળતાથી ચેપ અને રોગો માટે સંવેદનશીલ બનીએ છીએ.

યાદશક્તિની સમસ્યાઓ

ઊંઘ આપણા મગજને નવી માહિતી એકત્રિત કરવામાં અને યાદ રાખવામાં મદદ કરે છે. પણ પૂરતી ઊંઘ ન લેવાથી આપણી યાદશક્તિ નબળી પડી શકે છે અને આપણે વસ્તુઓને વધુ સરળતાથી ભૂલી શકીએ છીએ.

માથાનો દુખાવો

ઊંઘનો અભાવ પણ માથાનો દુખાવો અને માઇગ્રેનનું જોખમ વધારી શકે છે. જેના લીધે સ્વાસ્થયને લગતી સમસ્યાઓ ઉદભવે છે.