પુતિન સાથેનું જોડાણ વધુ મજબૂત કરવા મોદી આજથી બે દિવસ રશિયામાં

• મોદી અને પુતિન વચ્ચે દ્વિપક્ષીય બેઠકો થશે: વેપાર, સુરક્ષા અને સાઉથ એશિયામાં શાંતિ મુદ્દે બન્ને નેતાઓ વચ્ચે થશે મહત્વપૂર્ણ ચર્ચાઓ
• વડાપ્રધાન નરેન્દ્ર મોદી આજથી બે દિવસ રશિયાના પ્રવાસે છે.  પીએમ મોદીની આ મુલાકાત ઘણી રીતે ઘણી મહત્વપૂર્ણ માનવામાં આવે છે.  રશિયાના રાષ્ટ્રપતિ વ્લાદિમીર પુતિન પણ આ બેઠકને લઈને ખૂબ જ ઉત્સાહિત છે. બન્ને વચ્ચે દ્વિપક્ષીય બેઠકો યોજાનાર છે. 

રાષ્ટ્રપતિ વ્લાદિમીર પુતિન 22મી ભારત-રશિયા વાર્ષિક સમિટ માટે વડાપ્રધાન મોદી માટે 8 થી 9 જુલાઈ સુધી મોસ્કોમાં રહેશે.  આ દરમિયાન બંને દેશો વચ્ચે ઘણા મહત્વપૂર્ણ મુદ્દાઓ પર ચર્ચા થશે.  રશિયાના રાષ્ટ્રપતિના સત્તાવાર નિવાસસ્થાન અને કાર્યાલય ક્રેમલિનના પ્રવક્તા દિમિત્રી પેસ્કોવએ કહ્યું કે, રશિયા વડાપ્રધાન નરેન્દ્ર મોદીની મોસ્કો મુલાકાતને લઈને ખૂબ જ ઉત્સાહિત છે.  તેમણે કહ્યું કે મોસ્કો આ મુલાકાતને રશિયા અને ભારતના સંબંધો માટે ખૂબ જ મહત્વપૂર્ણ માને છે.

પીએમ મોદીની મોસ્કો મુલાકાત દરમિયાન વડાપ્રધાન નરેન્દ્ર મોદી અને રશિયાના રાષ્ટ્રપતિ વ્લાદિમીર પુતિન વચ્ચે દ્વિપક્ષીય વાતચીત થશે.  આ સિવાય પીએમ મોદી અને પુતિન એક ખાનગી બેઠક પણ કરશે.  ભારત અને રશિયા વચ્ચે પ્રતિનિધિમંડળ સ્તરની વાતચીત પણ થશે.  રાષ્ટ્રપતિ પુતિન પીએમ મોદીના સન્માનમાં લંચનું આયોજન કરશે.  ગુરુવારે ઉચ્ચ સ્તરીય મુલાકાત વિશે માહિતી આપતા વિદેશ મંત્રાલયે કહ્યું કે બંને નેતાઓ પરસ્પર સંબંધોની સંપૂર્ણ સમીક્ષા કરશે.  આ સિવાય પ્રાદેશિક અને વૈશ્વિક મુદ્દાઓ પર પણ ચર્ચા થશે.

તાજેતરના વર્ષોમાં ભારત અને રશિયા વચ્ચે વેપાર ભાગીદારીમાં નોંધપાત્ર વધારો થયો છે.  ભારત રશિયા પાસેથી મોટા પાયે ક્રૂડ એનર્જીની આયાત કરે છે.  આ સિવાય ભારત રશિયા પાસેથી મોટા પાયે સંરક્ષણ સાધનો અને હથિયારો પણ ખરીદે છે.  આ સંદર્ભમાં, પ્રવક્તા દિમિત્રી પેસ્કોવે કહ્યું કે રશિયા અને ભારત વચ્ચેના સંબંધો વ્યૂહાત્મક ભાગીદારીના સ્તરે છે.  રશિયાની સરકારી સમાચાર એજન્સી તાસના અહેવાલમાં કહેવામાં આવ્યું છે કે અમે ખૂબ જ મહત્વપૂર્ણ મુલાકાતની અપેક્ષા રાખીએ છીએ જે રશિયા-ભારત સંબંધો માટે ખૂબ જ મહત્વપૂર્ણ છે.

પીએમ મોદી તેમના રશિયા પ્રવાસ દરમિયાન ભારતીય લોકોને પણ મળવાના છે.  પીએમ મોદીના રશિયા પ્રવાસને લઈને મોસ્કોમાં ભારતીય વિદ્યાર્થીઓનું કહેવું છે કે તેઓ તેમની મુલાકાતને લઈને ખૂબ જ ઉત્સાહિત છે.  અમે તેમની આતુરતાથી રાહ જોઈ રહ્યા છીએ.

અનેક પ્રતિબંધો છતાં રશિયા સાથે ભારતે મિત્રતા જાળવી રાખી

તમામ પ્રતિબંધો છતાં ભારતે મિત્રતા જાળવી રાખી છે.  આટલું જ નહીં, 2022માં યુક્રેન યુદ્ધ શરૂ થયું ત્યારથી મોદી રશિયાના પ્રવાસ પર જોવા મળ્યા નથી.  રાજદ્વારી વર્તુળોમાં આ મુલાકાતને તે સંદર્ભમાં ખૂબ મહત્વની માનવામાં આવી રહી છે.  ઉલ્લેખનીય છે કે યુક્રેન યુદ્ધને લઈને રશિયા અમેરિકા, બ્રિટન અને જાપાન સહિત વિશ્વના શક્તિશાળી દેશોની ટીકાનો સામનો કરી રહ્યું છે.  ઘણા કેસોમાં પ્રતિબંધો પણ જારી કરવામાં આવ્યા છે.  જોકે, ભારત તમામ પ્રતિબંધો છતાં રશિયા સાથેની મિત્રતા ગુમાવવા માગતું ન હતું.

શા માટે ભારત રશિયાને મહત્વ આપે છે?

ભારતે હંમેશા યુક્રેન સાથે યુદ્ધનો વિરોધ કર્યો હતો, પરંતુ ભારતે રશિયા સામે તે પ્રકારની કાર્યવાહી કરી ન હતી.  સંયુક્ત રાષ્ટ્રમાં પણ ભારતે રશિયા વિરુદ્ધ કશું કહ્યું ન હતું.  સ્વિત્ઝર્લેન્ડમાં તાજેતરમાં યોજાયેલી શાંતિ પરિષદમાં ભાગ લીધા બાદ પણ ભારતે રશિયા વિરોધી ઠરાવ પર હસ્તાક્ષર કર્યા ન હતા.  રાજદ્વારી વર્તુળોના મતે ભારત સાથે રશિયાના વેપાર સંબંધો સૌહાર્દપૂર્ણ છે.  ભારત રશિયા પાસેથી તેલ, કોલસાથી લઈને વિવિધ લશ્કરી સાધનોની આયાત કરે છે.

પીએમ મોદી પાંચ વર્ષ પછી રશિયા જશે

ઘણા લોકો માને છે કે મોદીની મુલાકાતને પગલે યુક્રેન યુદ્ધ મોટી ભૂમિકા ભજવશે.  ભારતીય વડાપ્રધાનની રશિયાની મુલાકાત પર ટિપ્પણી કરતા પુતિનના પ્રેસ સચિવ દિમિત્રી પેસ્કોવે શનિવારે કહ્યું હતું કે, “નરેન્દ્ર મોદીની મુલાકાત બંને દેશો વચ્ચેના દ્વિપક્ષીય સંબંધોની પ્રગતિ માટે ખૂબ જ મહત્વપૂર્ણ છે.”  યોગાનુયોગ, મોદીને પછી મોસ્કો દ્વારા ગયા માર્ચમાં રશિયાની મુલાકાત માટે આમંત્રણ આપવામાં આવ્યું હતું.  પરંતુ તે પછી લોકસભાની ચૂંટણી આવી એટલે મોદી રશિયા જઈ શક્યા નહીં.  મોદીએ છેલ્લે 2019માં રશિયાની મુલાકાત લીધી હતી.  પાંચ વર્ષ પછી, ભારતના વડા પ્રધાન ફરી એકવાર રશિયાની મુલાકાતે છે.