ગાંધીનગર મનપાના નવા મેયરની જાહેરાત

• મનપાના નવા મેયરનું નામ જાહેર 
• વોર્ડ નંબર 10ના કોર્પોરેટર મીરાબેન પટેલ ગાંધીનગરના નવા મેયર બન્યા

ગાંધીનગર ન્યૂઝ :  ગાંધીનગર મનપાના નવા મેયરની જાહેરાત કરાઈ છે . વોર્ડ નંબર 10ના કોર્પોરેટર મીરાબેન પટેલ ગાંધીનગરના નવા મેયર બન્યા છે .  પાટીદાર નેતા પર પસંદગીનો કળશ ઢોળાયો છે . લાંબા સમયની રાહ જોયા બાદ આખરે ગાંધીનગર મનપાના નવા મેયરની જાહેરાત કરવામાં આવી છે.

આમ તો ગાંધીનગરને નવા મહિલા મેયર એપ્રિલ મહિનામાં જ મળી જવાના હતા પરંતુ લોકસભાની ચૂંટણી અને ત્યારબાદ નવી સરકારની શપથવિધિના કારણે નવા મહિલા મેયર મળવામાં બે મહિના જેટલો લાંબો સમય વીતી ગયો છે. ગત ૧૦ જૂનના રોજ સામાન્ય સભામાં નવા મહિલા મેયર નક્કી થવાના હતા પરંતુ કેન્દ્રીય ગૃહ મંત્રી અને ગાંધીનગરના સાંસદ અમિત શાહ વ્યસ્ત હોવાથી નામો નક્કી થઈ શક્યા ન હતા અને તેને કારણે સામાન્ય સભા મુલતવી રાખવામાં આવી હતી. આખરે આજે નવા મેયરની જાહેરાત કરવામા આવી છે.