ડાયાબિટીસમાં ઝીરો સુગર નાસ્તો શોધી રહ્યા છો, તો આ રહી રેસીપી

• ડાયાબિટીસ એક ગંભીર રોગ છે જેનો કોઈ ઈલાજ નથી.
• તે દવાઓ અને યોગ્ય ખાનપાનની આદતોની મદદથી ઘણી હદ સુધી કંટ્રોલ થાય છે.
• તમે સવારે થોડો હેલ્ધી નાસ્તો કરીને તમારી જાતને સ્વસ્થ રાખી શકો છો.

ડાયાબિટીસના દર્દીઓએ તેમના આહારનું વિશેષ ધ્યાન રાખવું પડે છે. આ એક અસાધ્ય રોગ છે જેને દવાઓ અને યોગ્ય આહાર વડે કંટ્રોલ કરી શકાય છે. ડાયાબિટીસના દર્દીઓ માટે સવારે નાસ્તો બનાવવો મુશ્કેલ કામ લાગે છે. જો તમે પણ ડાયાબિટીસમાં ઝીરો સુગર નાસ્તો શોધી રહ્યા છો, તો આ વાનગીઓ તમારા માટે ઉપયોગી થશે.

હેલ્ધી ફૂડ ખાવાનો અર્થ એ નથી કે આપણે અમુક ફેન્સી ડાયટ અને રેસીપી ખાતર આપણા સ્વાદ સાથે સમાધાન કરીએ. આ માટે તમારી પરંપરાગત રસોઈ અથવા ખાવાની આદતોનું બલિદાન આપવાની જરૂર નથી. માત્ર ખાવાનું બેલેન્સ અને લિમીટસ નક્કી કરવાની જરૂર છે.

જો કે, જો વહેલી સવારે પ્લાનિંગ ન કરવામાં આવે તો શું બનાવવું જે હેલ્ધી તેમજ ટેસ્ટી અને સુગર અને રિફાઈન્ડ જેવી હાનિકારક વસ્તુઓથી મુક્ત હોય તે સમજાતું નથી. આવી સ્થિતિમાં આજે અમે તમારા માટે આવી જ કેટલીક વાનગીઓ લાવ્યા છીએ, તો નોંધી લો ઝીરો સુગર નાસ્તાની કેટલીક રેસિપી-

મગ દાળ પુડલા

દિવસની શરૂઆત સારા પ્રોટીન પેકથી થવી જોઈએ. નાસ્તામાં પ્રોટીનનો સમાવેશ કરવાની ખાતરી કરો. આ માટે મગની દાળને પીસીને તેમાં બારીક સમારેલી ડુંગળી, ટામેટા, લીલા મરચા અને લીલા ધાણા ઉમેરો. મીઠું, જીરું અને લાલ મરચું પાવડર નાખીને મિક્સ કરો. ત્યાર બાદ તેમાં પાણી ઉમેરીને બરાબર મિક્સ કરો અને પુડલાનું બેટર તૈયાર કરો. તવા પર અડધી ચમચી તેલમાં પુડલાના બેટરને ફેલાવો અને બંને બાજુથી પકાવો. તૈયાર છે ગરમાગરમ મગની દાળના પુડલા. પ્રોટીન, ફાઈબર અને વિટામિન્સથી ભરપૂર મગની દાળના પુડલા ડાયાબિટીસના દર્દીઓ માટે ખૂબ જ ફાયદાકારક છે.

ચિક પી પનીર ટોસ્ટ

આ માટે પલાળેલા ચણાને બરછટ પીસી લો. તેમાં બારીક સમારેલા લીલા મરચા, લીલા ધાણા, ડુંગળી, ટામેટા, કેપ્સીકમ અને સ્વીટ કોર્ન ઉમેરો. ચીઝ છીણીને ઉમેરો. તેમાં મીઠું અને કાળા મરીનો પાવડર નાખીને બરાબર મિક્ષ કરી લો. બ્રેડની સ્લાઈસ લો અને તેના પર લીલી ચટણી ફેલાવો અને તેના પર તૈયાર કરેલું ચણાનું મિશ્રણ ફેલાવો. તવા પર આછું ગ્રીલ કરો. સારી ચરબી, પ્રોટીન અને કાર્બોહાઇડ્રેટ્સથી સમૃદ્ધ, આ ચિક પી પનીર ટોસ્ટ સુગરના દર્દીઓ માટે એક શ્રેષ્ઠ વિકલ્પ છે.

કઠોળથી બનાવવામાં આવેલા પુડલા

કેટલાક લોકોને કાચા ચણા અને મગ ખાવાનું પસંદ નથી હોતું. આવી સ્થિતિમાં કઠોળથી બનાવવામાં આવેલા પુડલાખૂબ જ સારો વિકલ્પ છે. પલાળેલા લીલા ચણા અને ચણાને મિક્સરમાં નાખો. ડુંગળી, લસણ, આદુ, લીલા મરચા અને લીલા ધાણા ઉમેરો. તેને પ્રોટીનથી ભરપૂર બનાવવા માટે તેમાં પનીરના કેટલાક ટુકડા ઉમેરો અને મિક્સ કરો. પીસ્યા પછી એક બાઉલમાં કાઢી લો. થોડો સોજી ઉમેરો અને બેટર તૈયાર છે. પુડલા બનાવી લીલી ચટણી સાથે સર્વ કરો.