- વૈજ્ઞાનિક રીતે સાબિત થયેલી આ આદતોથી કુદરતી રીતે જ એક મહિનામાં કોલેસ્ટ્રોલનું સ્તર ઘટાડી શકાય છે
દિવસની શરૂઆત તંદુરસ્ત આદતો સાથે કરવાથી સ્વાસ્થ્ય અને સુખાકારીમાં સુધારો થઈ શકે છે. જો તમે તમારા કોલેસ્ટ્રોલને કુદરતી રીતે ઓછું કરવા માંગતા હો, તો તમારી દિનચર્યામાં સવારની અમુક દિનચર્યાઓને સામેલ કરવાથી મદદ મળશે. અહીં વૈજ્ઞાનિક રીતે સાબિત થયેલી 9 સવારની આદતો રજૂ કરવામાં આવી છે જે એક મહિનામાં કોલેસ્ટ્રોલનું સ્તર ઘટાડવામાં મદદ કરી શકે છે.
તમારા કોલેસ્ટ્રોલના સ્તર પર નજર રાખવી ખૂબ જ મહત્વપૂર્ણ છે કારણ કે ઉચ્ચ કોલેસ્ટ્રોલ તમારા હૃદય રોગ અને સ્ટ્રોકનું જોખમ વધારી શકે છે. કોલેસ્ટ્રોલ એ તમારા લોહીમાં જોવા મળતું મીણ જેવું પદાર્થ છે જે તમારી ધમનીઓની દિવાલો પર જમા થઈ શકે છે, જેનાથી લોહીનું વહેવું મુશ્કેલ બને છે. સમય જતાં, આ સંચય બ્લોકેજ અને આખરે હાર્ટ એટેક અથવા સ્ટ્રોક તરફ દોરી શકે છે. તંદુરસ્ત આહાર, નિયમિત વ્યાયામ અને જો જરૂરી હોય તો, દવાઓ દ્વારા તમારા કોલેસ્ટ્રોલના સ્તરને નિયંત્રણમાં રાખવાથી તમે તમારા હૃદયને સુરક્ષિત રાખી શકાય છે.
દિવસની શરૂઆત પૌષ્ટિક નાસ્તા સાથે કરો
તમારા દિવસની શરૂઆત પૌષ્ટિક નાસ્તાથી કરો, જે કોલેસ્ટ્રોલનું સ્તર ઘટાડવામાં મદદ કરી શકે છે. લિકવિડ ફાઇબરથી સમૃદ્ધ ખોરાક ખાઓ, જેમ કે તાજા ફળ સાથે ઓટમીલ અથવા બ્રોકોલી સાથે આખા અનાજની ટોસ્ટ. લિકવિડ ફાયબર એલડીએલ કોલેસ્ટ્રોલનું સ્તર ઘટાડવામાં મદદ કરે છે. અમેરિકન મેડિકલ એસોસિએશનના જર્નલમાં પ્રકાશિત થયેલા અભ્યાસ મુજબ, દરરોજ માત્ર 5 થી 10 ગ્રામ લિકવિડ ફાઇબરનું સેવન કરવાથી એલડીએલ કોલેસ્ટ્રોલ લગભગ 5 ટકા ઘટાડી શકાય છે.
એક ગ્લાસ નારંગીનો રસ પીવો
સવારે ઉઠીને એક ગ્લાસ તાજા નારંગીનો રસ પીવાથી પણ કોલેસ્ટ્રોલના સ્તરને ઘટાડવામાં મદદ મળે છે. નારંગીમાં ફ્લેવોનોઈડ્સ ભરપૂર માત્રામાં હોય છે, જે એલડીએલ કોલેસ્ટ્રોલના સ્તરને ઘટાડવામાં અસરકારક સાબિત થયુ છે. અમેરિકન જર્નલ ઑફ ક્લિનિકલ ન્યુટ્રિશનમાં પ્રકાશિત થયેલા અભ્યાસ મુજબ, ચાર અઠવાડિયા સુધી દરરોજ 750 મિલી નારંગીનો રસ પીવાથી એલડીએલ કોલેસ્ટ્રોલનું સ્તર નોંધપાત્ર રીતે ઘટાડી શકાય છે.
સવારે વોકિંગ કરો
મોર્નિંગ એક્સરસાઇઝ એચડીએલ કોલેસ્ટ્રોલનું સ્તર વધારવામાં અને એલડીએલ કોલેસ્ટ્રોલનું સ્તર ઘટાડવામાં મદદ કરી શકે છે. અઠવાડિયાના મોટાભાગના દિવસોમાં ઓછામાં ઓછી 30 મિનિટની મધ્યમ-તીવ્રતાની કસરતનું લક્ષ્ય રાખો. ધ અમેરિકન જર્નલ ઓફ કાર્ડિયોલોજીમાં પ્રકાશિત થયેલા એક અભ્યાસ મુજબ, નિયમિત એરોબિક કસરત એચડીએલ કોલેસ્ટ્રોલ 5 ટકા વધારી શકે છે.
એક કપ ગ્રીન ટી પીઓ
ગ્રીન ટી કેટેચીન નામના એન્ટીઓક્સીડેન્ટથી ભરપૂર છે, જે એલડીએલ કોલેસ્ટ્રોલનું સ્તર ઘટાડવામાં અસરકારક સાબિત થયું છે. તમારી સામાન્ય કોફી કે ચાને બદલે એક કપ ગ્રીન ટી સાથે દિવસની શરૂઆત કરો. અમેરિકન ડાયેટિક એસોસિએશનના જર્નલમાં પ્રકાશિત થયેલા અભ્યાસ મુજબ, નિયમિતપણે ગ્રીન ટી પીવાથી એલડીએલ કોલેસ્ટ્રોલનું સ્તર ઘટાડવામાં મદદ મળી શકે છે.
અળસીના બી ખાઓ
અળસીના બીજ ઓમેગા-3 ફેટી એસિડ અને ફાઈબરથી ભરપૂર હોય છે, જે કોલેસ્ટ્રોલના સ્તરને ઘટાડવામાં મદદ કરી શકે છે. સવારે તમારા અમુક નાસ્તામાં અળસીના બી નાખીને પણ ખાઈ શકો છો. જર્નલ ઑફ ન્યુટ્રિશનમાં પ્રકાશિત થયેલા અભ્યાસ મુજબ, ત્રણ મહિના સુધી દરરોજ 30 ગ્રામ અળસીના બી ખાવાથી એલડીએલ કોલેસ્ટ્રોલનું સ્તર નોંધપાત્ર રીતે ઘટાડી શકાય છે.
ધ્યાન કરવા માટે સમય કાઢો
સવારે ધ્યાન કરવાથી તણાવના સ્તરને ઘટાડવામાં મદદ મળે છે, જેનાથી એલડીએલ કોલેસ્ટ્રોલનું સ્તર ઘટે છે. 10 મિનિટ શાંતિથી બેસો અને તમારા શ્વાસ પર ધ્યાન કેન્દ્રિત કરો. સાયકોસોમેટિક મેડિસિનમાં પ્રકાશિત થયેલા એક અભ્યાસ મુજબ, માઇન્ડફુલનેસ મેડિટેશનનો અભ્યાસ કરવાથી એલડીએલ કોલેસ્ટ્રોલનું સ્તર ઘટાડવામાં મદદ મળી શકે છે.
નાસ્તામાં મુઠી એક બદામ ખાઓ
બદામ મોનોઅનસેચ્યુરેટેડ ચરબીથી સમૃદ્ધ છે, જે એચડીએલ કોલેસ્ટ્રોલનું સ્તર વધારવામાં અને એલડીએલ કોલેસ્ટ્રોલનું સ્તર ઘટાડવામાં મદદ કરી શકે છે. સવારના નાસ્તા તરીકે મુઠ્ઠીભર બદામ આરોગો. ધ અમેરિકન જર્નલ ઑફ ક્લિનિકલ ન્યુટ્રિશનમાં પ્રકાશિત થયેલા એક અભ્યાસ અનુસાર, તમારા આહારમાં બદામ ઉમેરવાથી કોલેસ્ટ્રોલનું સ્તર સુધારવામાં મદદ મળી શકે છે.
નાસ્તો બનાવવામાં ઓલિવ ઓઇલનો ઉપયોગ કરવો
તમારા સવારના ભોજનમાં માખણ અથવા વનસ્પતિ તેલને બદલે ઓલિવ તેલનો ઉપયોગ કોલેસ્ટ્રોલના સ્તરને સુધારવામાં મદદ કરી શકે છે. ઓલિવ તેલ મોનોઅનસેચ્યુરેટેડ ચરબીથી સમૃદ્ધ છે, જે એચડીએલ કોલેસ્ટ્રોલનું સ્તર વધારવામાં મદદ કરી શકે છે. સર્ક્યુલેશનમાં પ્રકાશિત થયેલા એક અભ્યાસ અનુસાર, ઓલિવ ઓઈલથી ભરપૂર આહાર એચડીએલ કોલેસ્ટ્રોલનું સ્તર વધારવામાં મદદ કરી શકે છે.
નાસ્તામાં એક મુઠી અખરોટ ખાઓ
તમારી સવારની દિનચર્યામાં અખરોટનો સમાવેશ કરવાથી કોલેસ્ટ્રોલના સ્તરને ઘટાડવામાં પણ મદદ મળી શકે છે. અખરોટમાં ભરપૂર માત્રામાં ઓમેગા-3 ફેટી એસિડ હોય છે, જે એલડીએલ કોલેસ્ટ્રોલનું સ્તર ઘટાડવામાં મદદ કરી શકે છે. જર્નલ ઑફ ન્યુટ્રિશનમાં પ્રકાશિત થયેલા એક અભ્યાસ મુજબ, તમારા આહારમાં અખરોટ ઉમેરવાથી કોલેસ્ટ્રોલનું સ્તર સુધારવામાં અને હૃદય રોગના જોખમને ઘટાડવામાં મદદ મળી શકે છે.
