- LIC એ કરોડો ગ્રાહકોને એલર્ટ જાહેર કર્યું
- જેમાં કંપનીના બ્રાન્ડ નેમ અને લોગોનો દુરુપયોગ કરનારાઓ સામે કડક કાર્યવાહી કરવામાં આવશે.
નેશનલ ન્યૂઝ : જો તમે પણ LIC પોલિસી લીધી છે અથવા લેવા જઈ રહ્યા છો, તો હવે કંપની દ્વારા એલર્ટ જારી કરવામાં આવ્યું છે. હાલમાં સોશિયલ મીડિયા પર દરરોજ અનેક પ્રકારની અફવાઓ ફેલાઈ રહી છે, જેને જોતા કંપનીએ ગ્રાહકોને ચેતવણી આપી છે.ભારતીય જીવન વીમા નિગમ (LIC) એ લોકોને સોશિયલ મીડિયા પ્લેટફોર્મ પર વરિષ્ઠ અધિકારીઓની તસવીર, કંપનીના બ્રાન્ડ નામ અને લોગોનો દુરુપયોગ કરીને કપટી જાહેરાતો આપવામાં સામેલ કેટલાક લોકો/સંસ્થાઓ સામે ચેતવણી આપી હતી.
બ્રાન્ડ નેમ અને લોગોનો દુરુપયોગ
એલઆઈસીએ તેના પોલિસીધારકો અને સોશિયલ મીડિયા પ્લેટફોર્મ ‘X’ પર લોકોને સાવધ રહેવા અને આ પ્રકારની દરેક વસ્તુની અધિકૃતતા તપાસવા કહ્યું છે. કોર્પોરેશને જાહેર નોટિસમાં જણાવ્યું છે કે અમારા ધ્યાને આવ્યું છે કે કેટલાક લોકો અને સંસ્થાઓ અમારી સંમતિ વિના અમારા વરિષ્ઠ અધિકારીઓ અથવા ભૂતપૂર્વ અધિકારીઓની તસવીર, અમારા બ્રાન્ડ નેમ અને લોગોનો દુરુપયોગ કરીને વિવિધ સોશિયલ મીડિયા પ્લેટફોર્મ પર છેતરપિંડીભરી જાહેરાતો આપી રહ્યા છે. અમે લોકોને આવી ગેરમાર્ગે દોરનારી પ્રવૃત્તિઓ વિશે સજાગ કરવા માંગીએ છીએ. હવે કાર્યવાહી કરવામાં આવશે.
નોટિસમાં લોકોને LICના અધિકૃત સોશિયલ મીડિયા એકાઉન્ટ્સ પર આવી કપટપૂર્ણ જાહેરાતોની ‘URL લિંક’ વિશે માહિતી આપવા માટે પણ કહેવામાં આવ્યું છે. એલઆઈસીએ કહ્યું છે કે અમે પરવાનગી વિના અમારી બ્રાન્ડનો ઉપયોગ કરીને છેતરપિંડી પ્રવૃત્તિઓમાં સંડોવાયેલા લોકો સામે યોગ્ય કાનૂની કાર્યવાહી કરીશું. કોર્પોરેશને જણાવ્યું હતું કે પોલિસીધારકો અને સામાન્ય જનતા આવી ભ્રામક જાહેરાતોથી ગેરમાર્ગે દોરાય નહીં તેની ખાતરી કરવા તે પ્રતિબદ્ધ છે. LICએ ફેબ્રુઆરીમાં આ પ્રોગ્રામ શરૂ કર્યો હતો.
LIC ખાસ પ્લાન લોન્ચ કરશે
LIC હાલમાં જ બાળકો માટે ખાસ પ્લાન લઈને આવી છે. આ પ્લાન ફેબ્રુઆરી 2024માં જ લોન્ચ કરવામાં આવ્યો છે. ભારતીય જીવન વીમા નિગમ (LIC) એ બાળકોના ભવિષ્યને સુરક્ષિત કરવાના ઉદ્દેશ્ય સાથે તેની નવી યોજના અમૃતબાલ શરૂ કરી છે. અમૃતબાલ એક વ્યક્તિગત બચત જીવન વીમા યોજના છે, જે ખાસ કરીને બાળકના ઉચ્ચ શિક્ષણ અને અન્ય જરૂરિયાતોને પહોંચી વળવા માટે બનાવવામાં આવી છે. આ પ્લાનને ‘પ્લાન 874’ નામ પણ આપવામાં આવ્યું છે, જે ખાસ બાળકો માટે બનાવવામાં આવ્યું છે.
