- લુવાસર ગામને હાઇ-વે સાથે જોડતો રસ્તો બિસ્માર
- રસ્તાનાં સમારકામ અંગે મુખ્યમંત્રીને રજૂઆત
જામજોધપુર ન્યૂઝ : જામજોધપુર તાલુકાનાં લુવાસર ગામને સ્ટેટ હાઇ-વે સાથે જોડતો માર્ગ અત્યંત બિસ્માર હાલતમાં હોવાથી અવારનવાર નાના-મોટા અકસ્માતો સર્જાય છે. રસ્તાનાં સમારકામ માટે સરપંચ દ્વારા અનેક વખત લેખિત રજૂઆત પણ થઇ હોવા છતા સમસ્યાનું નિરાકરણ થયું નથી.
લેઉવા પટેલ સમાજ ટ્રસ્ટ લુવાસરનાં પ્રમુખ રમેશભાઇ અજુડીયા દ્વારા આ અંગે મુખ્યમંત્રી ભૂપેન્દ્રભાઇ પટેલને લેખિત રજૂઆત કરવામાં આવી છે તથા સંબંધિત વિભાગોમાં પણ આનુસંગિક રજૂઆત કરી બિસ્માર માર્ગનાં તાત્કાલિક સમારકામ માટે માંગ કરવામાં આવી છે.
સાગર સંઘાણી
