સીબીએસઈ બોર્ડ પરીક્ષા સંબંધિત મહત્વપૂર્ણ સમાચાર છે. સેન્ટ્રલ બોર્ડ ઓફ સેક્ધડરી એજ્યુકેશને ધોરણ 10 અને 12ના ઘણા વિષયોની પરીક્ષાની તારીખોમાં ફેરફાર કર્યો છે. બોર્ડે પરીક્ષાનું સુધારેલું સમયપત્રક તેની સત્તાવાર વેબસાઇટ ભબતય.લજ્ઞદ.શક્ષ પર ઉપલબ્ધ કરાવ્યું છે. જે મુજબ 10મા તિબેટીયન વિષયની પરીક્ષા હવે 4 માર્ચને બદલે 23 ફેબ્રુઆરીએ લેવામાં આવશે. જ્યારે ધોરણ 10નું રિટેલ વિષયનું પેપર જે 16મી ફેબ્રુઆરીએ લેવાતું હતું તે હવે 28મી ફેબ્રુઆરીએ લેવાશે.
ધોરણ 12માં ફેશન સ્ટડીઝ વિષયની તારીખ બદલવામાં આવી છે, જે મુજબ હવે તેની પરીક્ષા 11 માર્ચને બદલે 21 માર્ચે લેવામાં આવશે. તમને જણાવી દઈએ કે સીબીએસઈ 10મા અને 12માની બોર્ડની પરીક્ષા 15 ફેબ્રુઆરીથી શરૂ થશે. જે અંતર્ગત 10ની પરીક્ષા 13 માર્ચ સુધી ચાલશે. જ્યારે 12મી માટે 2જી એપ્રિલ સુધી પેપર લેવાશે. બંને વર્ગના પેપર સવારે 10.30 થી 1.30 દરમિયાન લેવાશે.
સીબીએસઈ બોર્ડ પરીક્ષાની નવી ડેટશીટ તપાસવા માટે,સીબીએસઈ ભબતય.લજ્ઞદ.શક્ષ ની સત્તાવાર વેબસાઇટ પર હોમ પેજ પર આપેલ બંને વર્ગો માટે સુધારેલી તારીખપત્રકની લિંક પર ક્લિક કરો.પસંદ કરેલ વર્ગની ડેટશીટ તમારી સ્ક્રીન પર દેખાશે, તે પછી પીડીએફ ફાઇલ ડાઉનલોડ કરો.વૈકલ્પિ રીતે તમે નીચે આપેલ સીધી લિંક્સ પરથી બંને વર્ગોનું સુધારેલું સમયપત્રક ડાઉનલોડ કરી શકો છો.
