રાજ્યની તમામ આઠેય મહાનગરપાલિકાઓ વચ્ચે દર વર્ષે ઇન્ટર કોર્પોરેશન ક્રિકેટ ટુર્નામેન્ટનું આયોજન કરવામાં આવે છે. જેની યજમાની અલગ-અલગ મહાપાલિકા દ્વારા કરવામાં આવતી હોય છે. આગામી જાન્યુઆરી માસના અંતમાં અમદાવાદ મ્યુનિસિપલ કોર્પોરેશનની યજમાનીમાં ક્રિકેટ ટુર્નામેન્ટ રમાશે. જેમાં પુષ્કર પટેલની આગેવાનીમાં રાજકોટ મહાનગરપાલિકાની મેયર ઇલેવન ભાગ લેશે.
પુષ્કર પટેલની આગેવાનીમાં આરએમસીની ટીમ લેશે ભાગ
આજે સવારે કોર્પોરેશન કચેરી ખાતે ઇન્ટર કોર્પોરેશન ક્રિકેટ ટુર્નામેન્ટ સંદર્ભે એક મહત્વની બેઠક મળી હતી.
ખૂબ સારા બેટ્સમેન મનાતા એવા પુષ્કરભાઇ પટેલને મેયર ઇલેવનના સુકાની તરીકે નિયુક્તી કરવામાં આવી છે. ટૂંક સમયમાં ટીમ દ્વારા પ્રેક્ટિસ પણ શરૂ કરવામાં આવશે.
