સેન્સેક્સ 69,381.31ની નવી ઓલ ટાઈમ હાઈએ પહોંચ્યો હતો. ક્વાર્ટરથી 11 વાગ્યાની આસપાસ તે 467 પોઈન્ટના ઉછાળા સાથે 69332ના સ્તરે હતો. જ્યારે, નિફ્ટી 20849ની નવી ટોચ પરથી પાછો ફર્યો હતો અને 150 પોઇન્ટના ઉછાળા સાથે 20837ના સ્તરે હતો.
બેન્ક નિફ્ટી 1.52 ટકા સુધર્યો હતો. PSU બેન્ક પણ 1.63 ટકા વધીને ટ્રેડ થઈ રહ્યો હતો, જ્યારે પ્રાઈવેટ બેન્ક ઈન્ડેક્સ 1.45 ટકા વધીને ટ્રેડ થઈ રહ્યો હતો. બીજી તરફ નિફ્ટી આઈટી, મીડિયા અને રિયલ્ટી રેડમાં હતા.
શેરબજારે આજે પણ રેકોર્ડ બ્રેક શરૂઆત કરી છે. સેન્સેક્સ પ્રથમ વખત 69000ને પાર કરી ગયો છે. જ્યારે, નિફ્ટીએ પણ 20808ના નવા ઓલ ટાઈમ હાઈ લેવલ સાથે આજના દિવસના ટ્રેડિંગની શરૂઆત કરી છે. આજે સેન્સેક્સ 303 પોઈન્ટના વધારા સાથે 69168 પર ખુલ્યો હતો જ્યારે નિફ્ટી 122 પોઈન્ટના વધારા સાથે ખુલ્યો હતો.
BSE સેન્સેક્સ 68918.22ની અગાઉની સર્વકાલીન ઊંચી સપાટી તોડીને નવી ટોચે પહોંચ્યો છે. જ્યારે, NSEના બેન્ચમાર્ક ઇન્ડેક્સ નિફ્ટી 50 એ પણ ઇતિહાસ રચ્યો અને 20702 પર પહોંચી ગયો. આજે આ રેકોર્ડનો નાશ કરવામાં આવ્યો હતો.
અદાણીના આ બે શેર નિફ્ટી ટોપ ગેઇનર છે
અદાણી એન્ટરપ્રાઇઝિસ અને અદાણી પોર્ટ્સ હજુ પણ નિફ્ટીના ટોપ ગેઇનર્સમાં છે. અદાણી એન્ટરપ્રાઈઝમાં 5 ટકાથી વધુનો ઉછાળો છે. તે હવે રૂ. 2658.90 પર પહોંચી ગયો છે. બીજું, અદાણી પોર્ટ્સમાં લગભગ 4 ટકાનો વધારો થયો છે. હવે તે રૂ.913.40 પર પહોંચી ગયો છે. આ સિવાય BPCL, એક્સિસ બેંક અને મહિન્દ્રા એન્ડ મહિન્દ્રા પણ નિફ્ટીના ટોપ ગેનર્સની યાદીમાં છે.
તમને જણાવી દઈએ કે હિન્દી બેલ્ટ રાજસ્થાન, મધ્યપ્રદેશ અને છત્તીસગઢમાં છેલ્લા બે દિવસથી ભગવા લહેર અને મોદીની ગેરંટીની અસર શેરબજારમાં જોવા મળી રહી છે. નિષ્ણાંતોનું માનવું છે કે 2024ની લોકસભા ચૂંટણીમાં પણ ભાજપની જીતની શક્યતાઓ પ્રબળ બની છે.
સોમવારની સ્થિતિઃ સોમવારે સતત પાંચમા ટ્રેડિંગ સેશનમાં તેજીનું વલણ હતું અને BSE સેન્સેક્સ 1,384 પોઈન્ટના જંગી ઉછાળા સાથે નવા રેકોર્ડ સ્તરે બંધ રહ્યો હતો. આ તેજીને કારણે માર્કેટ મૂડીમાં તીવ્ર વધારો થયો હતો. બજારમાં તેજી સાથે રોકાણકારોની સંપત્તિમાં રૂ. 5.81 લાખ કરોડનો વધારો થયો છે.
