કાશ્મીરમાંથી સેના અને પોલીસે સંયુક્ત ઓપરેશન હાથ ધરીને ત્રણ અલગ અલગ સ્થળો પરથી હથિયારના જથ્થા સાથે ચાર જેટલાં આતંકી સહયોગીઓની ધરપકડ કરવામાં આવી છે.
ચાર આતંકવાદી સહયોગીઓમાં અંસાર ગઝવાતુલ હિંદ (એજીએચ) સાથે સંકળાયેલા એક આતંકી અને ત્રણ લશ્કર-એ-તૈયબા (એલઇટી) સાથે સંકળાયેલા એમ કુલ ચાર આતંકીઓની ધરપકડ કરવામાં આવી છે. ગયા અઠવાડિયે કાશ્મીર ખીણમાં સુરક્ષા ચોકીઓ પર શસ્ત્રો અને દારૂગોળો સાથે ધરપકડ કરવામાં આવી હતી તેવું પોલીસે રવિવારે જણાવ્યું હતું. જ્યારે એજીએચ સંલગ્ન આતંકીને 26 નવેમ્બરના રોજ દક્ષિણ કાશ્મીરના શોપિયાં જિલ્લામાંથી પકડવામાં આવ્યો હતો, ત્યારે 25 નવેમ્બરના રોજ ઉત્તરમાં બારામુલ્લામાં એલઈટીના ત્રણેયની ધરપકડ કરવામાં આવી હતી.
લશ્કર-એ-તૈયબાના અને અંસાર ગઝવાતુલ હિંદ સાથે સંકળાયેલા આતંકીઓને દબોચી લેવાયા
26 નવેમ્બરના રોજ શોપિયાંના ગાર્ગેનથી એજીએચ સંલગ્ન ફરમાન ખુરશીદ વાની કુંડલનથી શોપિયાં તરફ આગળ વધી રહ્યો હતો ત્યારે પોલીસ, આર્મીની 44આરઆર અને સીઆરપીએફની 14બટાલિયનની સંયુક્ત ટીમે તેને હાંડીપોરા શોપિયાં ક્રોસિંગમાં એક ચેકપોઇન્ટ પર ધરપકડ કરી હતી. તેની પાસેથી એક પિસ્તોલ, બે પિસ્તોલ મેગેઝિન, 9 એમએમ કેલિબરના 10 રાઉન્ડ અને એક સેલ ફોન જપ્ત કરવામાં આવ્યો હતો.
પૂછપરછ દરમિયાન વાનીએ કહ્યું કે તે એજીએચ સહયોગી તરીકે કામ કરતો હતો અને તેને જિલ્લામાં સુરક્ષા દળો પર હુમલાઓ કરવાની જવાબદારી સોંપવામાં આવી હતી, તેવું પોલીસ પ્રવક્તાએ જણાવ્યું હતું. આ અંગે શોપિયા પોલીસ સ્ટેશનમાં કેસ નોંધવામાં આવ્યો હતો અને તપાસ શરૂ કરવામાં આવી હતી.
25 નવેમ્બરના રોજ જ્યારે બારામુલા પોલીસ દ્વારા ઝુલા ફૂટબ્રિજ નજીક કલગાઈ ખાતે આર્મીની 13 સીખલી અને બીએસએફની 185બટાલિયનની ટુકડીઓ સાથે સંયુક્ત પેટ્રોલિંગ અને ચેકિંગ ડ્રાઇવ ચાલી રહી હતી ત્યારે ઉરીના કમલકોટથી રાષ્ટ્રીય ધોરીમાર્ગ તરફ જતા બે શકમંદોને અટકાવવામાં આવ્યા હતા. કમલકોટના રહેવાસી ઝમીર અહમદ ખંડે અને મોહમ્મદ નસીમ ખંડે તરીકે ઓળખાતા પુરુષોની ધરપકડ કરી અને ત્રણ ચાઈનીઝ ગ્રેનેડ અને રૂ. 2.5 લાખ રોકડા જપ્ત કર્યા હતા. પોલીસ પ્રવક્તાએ જણાવ્યું કે, આ સંબંધમાં ઉરી પોલીસ સ્ટેશનમાં કેસ દાખલ કરવામાં આવ્યો હતો.
જ્યારે પૂછપરછ કરવામાં આવી ત્યારે એલઈટીના આતંકીઓએ ખુલાસો કર્યો કે તેઓએ આતંકવાદી કૃત્યોને અંજામ આપવા માટે કમલકોટના રહેવાસી મંજૂર અહમદ ભાટી પાસેથી ગ્રેનેડ અને રોકડ મેળવી હતી. જ્યારે ભાટ્ટીની પૂછપરછ કરવામાં આવી ત્યારે તેણે તેને સમર્થન આપ્યું અને પોલીસને તે સ્થળે લઈ ગયા જ્યાંથી એક ચાઈનીઝ ગ્રેનેડ અને 2.17 લાખ રૂપિયાની રોકડ જપ્ત કરવામાં આવી હતી.
