કેસરનું સેવન સ્વાસ્થ્ય માટે જડીબુટી સમાન : અનેક લાભોથી સજ્જ
કેસરમાં ઘણા પ્રકારના પોષક તત્વો મળી આવે છે જેમ કે કેલ્શિયમ, ઝીંક, પોટેશિયમ, આયર્ન, સોડિયમ, પ્રોટીન, ડાયેટરી ફાઈબર, મેગ્નેશિયમ, વિટામીન અ, ઈ, ઇ6, ફોસ્ફરસ, કાર્બોહાઈડ્રેટ્સ, બળતરા વિરોધી, એન્ટીઑકિસડન્ટ વગેરે. આ સાથે કેસરમાં ક્રોસેટિન, ક્રોસિન, સેફ્રનલ પિક્રોકોસિન નામના પિગમેન્ટ્સ પણ હોય છે. કેસરમાં આ સંયોજનો હોવાને કારણે તે વધુ ફાયદાકારક બને છે.
કેસર એક શક્તિશાળી એન્ટીઑકિસડન્ટ છે. તેમાં ઘણા પ્રકારના છોડના સંયોજનો હોય છે, જે એન્ટીઑકિસડન્ટ તરીકે કામ કરે છે. ક્રોસિન, ક્રોસેટીન, સેફ્રાનલ બધા એન્ટીઓક્સીડેન્ટ છે. આ બધા શરીરના કોષોને ઓક્સિડેટીવ સ્ટ્રેસ અને ફ્રી રેડિકલથી બચાવે છે.જે લોકોનો મૂડ ખરાબ હોય અથવા સ્ટ્રેસ, ડિપ્રેશનના લક્ષણો દેખાઈ રહ્યા હોય, તેમણે પણ કેસરનું સેવન કરવું જોઈએ. કેસર મૂડ સુધારે છે. આ તેમાં હાજર સેફ્રનલ એન્ટીઑકિસડન્ટને કારણે છે. હળવાથી ગંભીર ડિપ્રેશનની સારવાર માટે કેસરનો ઉપયોગ વિવિધ પૂરવણીઓમાં થાય છે.
સુગંધ અને ગુણોને કારણે કેસરનો આયુર્વેદિક દવાઓ, ખાદ્ય વ્યંજનો અને પૂજામાં ઉપયોગ કરવામાં આવે છે. આ સિવાય પ્રાચીન સમયથી જ આયુર્વેદ અને યુનાની નુસખાઓમાં કેસરનો ઔષધ તરીકે પ્રયોગ કરવામાં આવે છે. ખાસ કરીને ઠંડીમાં તો કેસરનું સેવન કરવું જ જોઈએ, જોકે કેસર બધી સિઝનમાં ફાયદાકારક હોય છે.
રોગપ્રતિકારક શક્તિ મજબૂત બનાવે છે
કેસરવાળુ દૂધ પીવાથી રોગપ્રતિકારક શક્તિ મજબૂત થાય છે. વાસ્તવમાં કેસરમાં ભરપૂર માત્રામાં એન્ટી ઑક્સિડેન્ટ ગુણો હોય છે, જે ઘણા પ્રકારની બીમારીઓથી બચાવે છે. કેસરયુક્ત દૂધ પીવાથી શરદી-ખાંસી અને વાયરલ સંક્રમણથી બચાવ થાય છે.
પાચનતંત્રને તંદુરસ્ત રાખે છે કેસરવાળુ દૂધ
શિયાળામાં ઘણા લોકોને પાચન સંબંધિત સમસ્યાઓ સતાવે છે. કેસરવાળા દૂધનું સેવન કરવાથી પાચન તંત્ર સ્વસ્થ રાખવામાં મદદ મળે છે. એવામાં યૂપેપ્ટિક નામનું તત્વ હોય છે, જે પાચન ક્રિયાને સારી કરવામાં મદદ કરે છે. શિયાળામાં કેસરવાળું દૂધ પીવાથી પેટમાં દુખાવો, ગેસ અને કબજિયાત જેવી સમસ્યાઓ દૂર થાય છે.
બ્લડ પ્રેશરને નિયંત્રિત કરે છે
હાઈ બ્લડ પ્રેશારની સમસ્યા બહુ વધી જાય છે. એવામાં કેસરવાળું દૂધ પીવાથી બ્લડ પ્રેશરને નિયંત્રિત કરવામાં મદદ મળે છે. વાસ્તવમાં કેસરવાળા દૂધમાં પોટેશિયમ હોય છે, જે બ્લડ પ્રેશરને નિયંત્રિત કરવામાં મદદ કરે છે.
હાડકાં મજબૂત બનાવે છે કેસરવાળુ દૂધ
શિયાળામાં રોજ કેસરવાળુ દૂધ પીવાથી અર્થરાઈટિસની સમસ્યામાં રાહત મળી શકે છે. કેસરવાળા દૂધમાં ભરપૂર માત્રામાં પ્રોટીન અને કેલ્શિયમ હોય છે. તેનું સેવન કરવાથી હાડકાં મજબૂત બને છે અને સાંધાના દુખાવામાં આરામ મળે છે.
તણાવ ઓછો કરે છે કેસરવાળુ દૂધ
શિયાળામાં કેસરવાળુ દૂધ પીવાથી તણાવની સમસ્યા દૂર થાય છે. કેસરવાળા દૂધનું સેવન કરવાથી શરીરમાં સેરોટોનિન હોર્મોન વધે છે, જે મૂડ સુધારવામાં મદદ કરે છે. તેનાથી તણાવ અને ડિપ્રેશનની સમસ્યામાં બહુ લાભ મળી શકે છે.
