અમેરિકામાં ગેરકાયદે ઘૂષણખોરી કરતાં અનેક લોકોના મોત નીપજયાના અહેવાલ
યુએસ કસ્ટમ્સ એન્ડ બોર્ડર પ્રોટેક્શન (યુએસસીબીપી)ના ડેટા અનુસાર ફેબ્રુઆરી 2019 અને માર્ચ 2023 વચ્ચે 1.49 લાખ જેટલા ભારતીયો ગેરકાયદેસર રીતે યુ.એસ.માં પ્રવેશવાનો પ્રયાસ કરતા પકડાયા હતા. ગુજરાતના એક પોલીસ અધિકારીએ જણાવ્યું હતું કે, અટકાયત કરાયેલા લોકો મોટાભાગે ગુજરાત અને પંજાબના છે.
જાન્યુઆરી 2022 માં 5,459 જેટલા ભારતીયો ગેરકાયદેસર રીતે યુએસમાં પ્રવેશતા પકડાયા હતા. જેમાંથી 708 યુએસ-કેનેડા સરહદેથી પકડાયા હતા. જાન્યુઆરી 2023માં સંખ્યા 35.9% વધીને 7,421 થઈ, જેમાં યુએસ-કેનેડા સરહદ પર 2,478 અટકાયતનો સમાવેશ થાય છે.
ડેટા સૂચવે છે કે ઉત્તરમાં કેનેડા અથવા દક્ષિણમાં મેક્સિકોમાંથી 2,663 સરહદ ક્રોસિંગના પ્રયાસમાં ભારતીયોની અટકાયત કરવામાં આવી હતી. ભારતીય એજન્સીઓ અને ગુજરાત પોલીસના જણાવ્યા અનુસાર, યુ.એસ.માં ગેરકાયદે પ્રવેશ કરવાનો પ્રયાસ કરવા બદલ અટકાયત કરાયેલા લોકોમાં ભારતીયો માત્ર 2% છે, પરંતુ ભાગ્યે જ કેટલાકને દેશનિકાલ કરવામાં આવ્યા હતા.ઘણાને માનવતાના ધોરણે આશ્રય મળે છે.
યુએનના આંકડાઓ અનુસાર 2017 થી યુ.એસ. આશ્રય-શોધનારાઓ માટે વિશ્વનું સૌથી લોકપ્રિય સ્થળ છે. કોર્ટમાં હારી ગયેલા લોકો પણ વર્ષો સુધી રહી શકે છે જ્યારે તેમના કેસ બેકલોગ સિસ્ટમ દ્વારા ચાલે છે.
અમદાવાદથી 44 કિમી દૂર આવેલા ડીંગુચા ગામનો ચાર જણનો પરિવાર હિમવર્ષામાં ભારતીયોના મોટા જૂથથી અલગ થયા બાદ કેનેડા-યુએસ બોર્ડર પર મૃત્યુ પામ્યા બાદ ગુજરાત પોલીસ રાજ્યમાં કાર્યરત સંગઠિત માનવ તસ્કરો સામે કડક કાર્યવાહી કરી રહી છે. જે ગયા વર્ષે જાન્યુઆરીમાં માઇન્સ 35 ડિગ્રી સેલ્સિયસમાં થીજી ગયો ગતો. આ દુ:ખદ સમાચારે દેશને હચમચાવી નાખ્યો પરંતુ ભારતીયોને ગેરકાયદેસર રીતે યુ.એસ. જવાના પ્રયાસો કરતા રોકી શક્યું નહીં.
આ વર્ષે માર્ચમાં 9,648 ભારતીય આશ્રય-શોધકોને યુએસ બોર્ડર ગાર્ડ્સ દ્વારા પકડવામાં આવ્યા હતા. તેમાંથી 2,289 યુએસ-કેનેડા સરહદ પર હતા. તે જ મહિને ગુજરાતના મહેસાણાના પ્રવિણ ચૌધરી (50), પત્ની દક્ષા (45) અને તેમની પુત્રી વિધિ (23) અને પુત્ર મિતકુમાર (20) ચાર જણના પરિવારને સેન્ટના ઠંડા પાણીમાં બોટ પલટી જતાં ડૂબી ગયા હતા.
