રાજકોટનાં યુવા ચહેરાને ચમકાવતી મિડલ કલાસ ફિલ્મ રસિકોમાં ભારે ધુમ મચાવે છે
રાજકોટનો યુવાન અભિનેતા પ્રીત કામાણીની લીડ રોલમાં અને 80 અને 90 ના દાયકાની સફળ ફિલ્મોની યાદ અપાવે એવી ‘મિડલ ક્લાસ લવ’ એક પારિવારિક ફિલ્મ છે.ઉપરાંત ફિલ્મનો ક્લાઈમેક્સ સમાજમાં અને આજના યુવા ધન માટે એક સુંદર મેસેજ છોડી જાય છે. જે પ્રીત કમાણી દ્વારા અત્યંત હૃદયસ્પર્શી રીતે ભજવાયો છે. ફિલ્મ સમીક્ષકો અને વિવેચકો એ પણ આ ફિલ્મને એક સકારાત્મક અને મનોરંજક ફિલ્મ રૂપે ગણાવી છે.ફિલ્મના ડાયરેક્ટર રત્ના સિન્હા છે અને અનુભવ સિન્હા (બનારસ મીડિયા) દ્વારા પ્રોડક્શન થયેલ છે.ફિલ્મનું મ્યુઝિક હિમેશ રેશમીયાએ આપ્યુ છે અને ગીતો જુબિન નૌટિયાલ, પલક મુછાલ અને રાજ બર્મન દ્વારા ગવાયા છે. ઉપરાંત રેમો ડિસોઝા અને અહેમદ ખાન દ્વારા ફિલ્મના ડાન્સની કોરિયોગ્રાફી કરવામાં આવી છે.જે લોકોએ મિડલ ક્લાસ લવ ફિલ્મ જોઈ છે એમણે ખાસ કરીને આપણા પ્રીત કામાણીના અભિનયની ખુબ પ્રસંશા કરી છે.
પ્રીત કામાણી કે જેને તમે પેપ્સી, સેન્ટર ફ્રેશ, ટાટા સ્કાય, મારુતિ જેવી 150 થી વધારે એડ ફિલ્મોમાં જોયો હશે, ઉપરાંત પ્રીતનો બોલીવુડમાં પ્રવેશ 2019 માં સુરજ બરજાત્યાના પ્રોડક્શન રાજશ્રી દ્વારા હમ ચાર ફિલ્મમાં લીડ રોલ સાથે થયેલ હતો. ત્યારબાદ ; 2020માં પ્રીતની ફરીથી લીડ રોલમાં મનીષા કોઈરાલા અને જાવેદ જાફરી જેવા નામાંકિત કલાકારો સાથેની નેટફ્લિક્સ ઓરીજીનલ ફિલ્મ મસ્કા આવી હતી. 2021માં એની ફિલ્મ આવી જર્સી જેમાં શાહિદ કપૂરના દીકરાની ભૂમિકા પણ અદભૂત રીતે ભજવી હતી. અને 2022 માં મિડલ ક્લાસ લવ…
27 વર્ષની ઉંમર ધરાવતા પ્રીતના (3) મ્યુઝિક આલબમ પણ આવી ગયા છે ઝી મ્યુઝિક દ્વારા પ્રોડ્યુસ કરવામાં આવ્યા છે. ઉપરાંત અનેક શોર્ટ ફિલ્મ્સ કરી છે જમ્બો જટ્ટસ નામક યુ-ટ્યુબ ઉપર એક મ્યુઝિકલ બેન્ડ પણ ધરાવે છે. ઉપરાંત 2016માં સ્ટાર પ્લસ ઉપર કરણ જોહર અને બાદશાહ સાથેનો શો દિલ હૈ હિન્દુસ્તાની હોસ્ટ કરેલ અને એ.આર.રેહમાન દ્વારા યુ ટ્યુબ નો ઓરીજીનલ શો એરાઈવ્ઝ પણ પ્રીતે હોસ્ટ કરેલ હતો.આ ફિલ્મ પ્રીતે એકલે હાથે આ ફિલ્મને ઉપાડી છે એ એક ગૌરવની વાત છે.ફિલ્મમાં હિરોઈન રૂપે કાવ્યા થાપર અને ઈશા સિંહ છે ઉપરાંત સિનિયર એક્ટર મનોજ પાહવા એ ફિલ્મને ચાર ચાંદ લગાવ્યા છે. જરૂરથી પ્રીત કામાણીની ફિલ્મ જોવા લાયક છે.
