સાગર સંઘાણી
ગૃહ રાજ્યમંત્રી હર્ષ સંઘવીની સુચનાથી ડ્રગ્સ માફિયાઓ પર ચાંપતી નજર રાખવામાં આવતી હોય છે ત્યારે વધુ એક વાર ગુજરાત એટીએસને મોટી સફળતા મળી છે. ભારતીય કોસ્ટ ગાર્ડ (ICG), એટીએસ ગુજરાત દ્વારા ગુપ્ત માહિતીના આધારે, ભારતીય જળસીમામાં 5 ક્રૂ સાથે એક ઈરાની બોટને 61 કિલો હેરોઈન સાથે પકડી પાડી છે.
ગઈ કાલે ATS દ્વારા ચોક્કસ ગુપ્ત માહિતીના આધારે, ICG એ વ્યૂહાત્મક રીતે તેના બે ફાસ્ટ પેટ્રોલ વર્ગના જહાજો, ICGS મીરા અને ICGS અભિકને અરબી સમુદ્રમાં પેટ્રોલિંગ માટે તૈનાત કર્યા.જે દરમિયાન, ભારતીય જળસીમામાં લગભગ એક બોટ શંકાસ્પદ રીતે ફરતી જોવા મળી હતી.
ઓખા કિનારે 340 કિમી (190 માઇલ) દૂર ઈરાની બોટનો પીછો કરવામાં આવ્યો હતો અને ICG જહાજો દ્વારા તેને રોકવાની ફરજ પડી હતી. જેમાં ઈરાની નાગરિકતાના પાંચ ક્રૂ હતા. ICG બોર્ડિંગ ટીમ દ્વારા તપાસ દરમિયાન, ક્રૂ શંકાસ્પદ વર્તન કરતા હોવાનું જણાયું હતું. વ્યાપક તપાસ પછી, બોટમાંથી આશરે 425 કરોડની કિંમતનો 61 કિલો માદક પદાર્થ મળી આવ્યો હતો. બોટ અને ક્રૂની ધરપકડ કરવામાં આવી છે અને વધુ તપાસ માટે તેને ઓખા લાવવામાં આવી છે.
