રેસકોર્સ ગ્રાઉન્ડ ખાતે ખેલ મહાકુંભની અંડર-૧૭ ભાઈઓ માટેની રાજયકક્ષાની હોકી સ્પર્ધાનો ગઈકાલથી પ્રારંભ કરવામાં આવ્યો હતો. જેમાં ૨૪ ટીમો વચ્ચે જંગ ખેલાઈ રહ્યો છે. રાજકોટ, અમદાવાદ, સુરત, બરોડા, ડાંગ, તાપી, અરવલ્લી, સાબરકાંઠા, બનાસકાંઠા સહિતના જિલ્લાની ટીમોએ આ સ્પર્ધામાં ભાગ લીધો છે. દરરોજ ૧૪ મેચો રમાઈ રહ્યા છે. ખેલ મહાકુંભના નોડેલ ઓફિસર વિશાલ શાહે જણાવ્યું કે બાળકોમાં ખેલ માટેની જાગૃતતા આવે અને ખેલાડીઓને પ્રોત્સાહન મળે તે માટે આ આયોજન કરાયું છે.
