સુરત કોઈને કોઈ ઘટનાઓને લીધે વારંવાર ચર્ચાઓમાં આવતું હોય છે ત્યારે ફરી એક વખત સુરતમાં ભાવના ઉર્ફે ભાવલીનો આતંક સામે આવ્યો છે. ભુરીએ જાહેરમાં મારામારી કરી હોવાની ઘટના સીસીટીવી માં કેદ થઈ છે.ત્યારે પોલીસે તાત્કાલિક એક્શન લઈને વાયરલ વિડીયો મામલે ભાવના ઉર્ફે ભાવલીની ધરપકડ કરી હતી.
કાપોદ્રા વિસ્તારમાં જાહેર રોડ પર ચપ્પુ લઈને મારામારી કરતી એક યુવતીનો વિડીયો વાયરલ થયો હતો આ મામલે કાપોદ્રા પોલીસે તપાસ કરી યુવતી અને તેના સાગરિતની ધરપકડ કરી છે. પોલીસ તપાસમાં યુવતી વિરુદ્ધ દમણમાં હત્યાના પ્રયાસનો જયારે તેના સાગરિત સામે પુણા પોલીસ મથકમાં મારામારી અને દમણમાં હત્યાના પ્રયાસના ગુનામાં વોન્ટેડ હોવાનું બહાર આવ્યું હતું.
તપાસમાં આ વિડીયો કાપોદ્રા પુણાગામ સ્થિત નાલંદા સ્કુલના ગેટ પાસેનો હોવાનું બહાર આવ્યું હતું અને વિડીયોમાં દેખાતી યુવતી ભાવનાબેન ઉર્ફે ભાવિકા અનીલભાઈ વાળા હોવાનું બહાર આવ્યું હતું. જેથી કાપોદ્રા પોલીસે તપાસ કરી આ યુવતી અને તેના સાગરિત રાહુલ ઉર્ફે રામુ ઉર્ફે રામલો બાડો સુરેશભાઈ પરમારની ધરપકડ કરી હતી.
