ગુજરાત રાજયના રમત ગમત યુવા અને સાંસ્કૃતિક પ્રવૃતિઓ વિભાગ, ગાંધીનગર દ્વારા સુરેન્દ્રનગર જિલ્લામાં કાલથી ચોટીલા ખાતે યુવતિઓ માટેની રાજય કક્ષા ચોટીલા આરોહણ અવરોહણ સ્પર્ધાનું આયોજન કરાયું હતું. આ સ્પર્ધામાં 14 થી 18 વર્ષની વય મર્યાદા ધરાવતા સ્પર્ધક ભાઇઓ-બહેનો જુનીયર વિભાગમાં ભાગ લેશે.
આ સ્પર્ધામાં ભાગ લેવા માટે નિયત સમય મર્યાદામાં અરજી કરેલ અને જરુરી પાત્રતા ધરાવતા જુનીયર ભાઇઓ બહેનો સ્પર્ધકોએ આજે સાંજે 4 કલાક સુધીમાં રિપોટીંગ સ્થળ ચોટીલા ટ્રસ્ટ નિવાસ, ચોટીલા તળેટી ખાતે રિપોટીંગ કરાવવાનું જણાવાયું છે. જયારે કાલે સવારે 7 કલાકે આ સ્પર્ધા યોજાશે.
આ માટે સ્પર્ધકોએ સ્પર્ધા સ્થળ ચોટીલા પર્વત તળેટી ખાતે સવારે 6.30 કલાકે હાજર થવાનું જીલ્લા યુવા વિકાસ અધિકારીની યાદીમાં જણાવાયું છે.
