રાજકોટ મહાનગરપાલિકા દ્વારા રેસકોર્સ ખાતે દિવાળી કાર્નિવલનું જાંજરમાન આયોજન કરવામાં આવ્યું છે. આ પાંચ દિવસીય કાર્નિવલમાં અનેક રાજકોટવાસીઓ આનંદ માણી રહ્યાં છે. ગઈકાલે કાર્નિવલ અંતર્ગત આયોજીત રોડ-શોમાં રાજકોટવાસીઓ ઉમટી પડયા હતા. આ રોડ-શોમાં વિન્ટેજ કારના કાફલાએ આકર્ષણ જમાવ્યું હતું. રોડ-શોની સાથો સાથ સિદ્દી નૃત્ય, એનસીસી ગર્લ્સ કેડેટ્સની મ્યુઝીકલ બેન્ડ તેમજ કરાટેના દાવપેચથી લોકો અભિભૂત થયા હતા. આજે મહાનગરપાલિકાના દિવાળી કાર્નિવલનું સમાપન થવા જઈ રહ્યું છે જેમાં થીમ બેઈઝ સ્ટેજ સહિતના આકર્ષણો રહેશે.
