15 ઓગષ્ટે રાષ્ટ્રઘ્વજ થીમ ઉપર સમગ્ર મંદિર વીજ ઝળહળતી રોશનીમાં નીખરશે
આઝાદી કા અમૃત મહોત્સવ અંતર્ગત સમગ્ર દેશ 13 ઓગસ્ટથી 1પ ઓગસ્ટ દરમ્યાન હર ઘર તિરંગા અભિયાન અંતર્ગત ભારત બાર જયોતિલીંગ પ્રથમ સોમનાથ મહાદેવ મંદિર રાષ્ટ્રની આન બાન અને શાન સમા આ રાષ્ટ્ર મહોત્સવમાં જોડાશે.
સોમનાથ ટ્રસ્ટના જનરલ મેનેજર વિજયસિંહ ચાવડાએ આ અંગે જણાવ્યું હતું તા. 13 થી 1પ ઓગસ્ટ સોમનાથ ટ્રસ્ટ સંચાલીત અતિથિગૃહો ઉપર રાષ્ટ્રઘ્વજ તિરંગા લહેરાવાશે. આ ઉપરાંત સોમનાથ વાહન પાકીંગમાં તિરંગા પ્લેટફોર્મ સાથે પાંચ સેલ્ફી પોઇન્ટ ખાસ ઉભા કરાયા છે. જેની સાથે સોમનાથ આવતા ભાવિકો ફોટો કલીક કરાવી શકશે.
15 ઓગસ્ટે સોમનાથ મહાદેવને તિરંગા સંઘ્યા શણગાર કરવામાં આવશે. ઉપરાંત સવારે મંદિર પરિસરમાં રાષ્ટ્રીય ઘ્વજવંદન કરવામાં આવશે અને સંઘ્યા સમયે સમગ્ર મંદિરને તિરંગા થીમ ઉપર વિજ રોશની લાઇટીંગથી ઝળહળાશે અને રાષ્ટ્રઘ્વજ થીમની રંગબેરંગી વિજ લાઇટોમાં ન હતું સમગ્ર મંદિર દર્શનનો અલૌકિક દિવ્ય રાષ્ટ્રીય નજારો ભાવિકોને નિહાળવા મળશે.
