ધો.12માં 25થી વધુ વિધાર્થીઓને 95 ટકાથી વધુ જયારે ધો.10માં 100થી વધુ વિધાર્થીઓ 90 ટકા સાથે ઉતીર્ણ થયા
સેન્ટ્રલ બોર્ડ ઓફ સેક્ધડરી એજ્યુકેશન દ્વારા ધોરણ-10નું રિઝલ્ટ જાહેર કરવામાં આવ્યું છે. બોર્ડે 22 જુલાઈ શુક્રવારે બપોરે 2 વાગ્યે 10માંનું રિઝલ્ટ જાહેર કર્યું હતું. સીબીએસઈ એ પોતાની વેબસાઈટ પર રિઝલ્ટ જાહેર કર્યા છે. આ ઉપરાંત ધોરણ-12નું પણ રિઝલ્ટ જાહેર કરવામાં આવ્યું છે. આ પ્રથમ વખત છે જ્યારે સીબીએસઈ દ્વારા ધોરણ-10 અને ધોરણ-12નું રિઝલ્ટ એક સાથે જ જાહેર કરવામાં આવ્યું છે. આ રિઝલ્ટ પ્રમાણે ધોરણ-10માં 94.40 વિદ્યાર્થીઓ પાસ થયા છે જેમાં છોકરીઓએ બાજી મારી છે.
છોકરીઓ છોકરાઓ કરતા 1.41 ટકાના માર્જિન સાથે આગળ છે. 2.34 વિદ્યાર્થીઓએ 90 ટકાથી વધારે ટકા મેળવ્યા છે. સીબીએસઈ ધોરણ-10માં 95.21 ટકા છોકરીઓ પાસ થઈ છે જ્યારે છોકરાઓની પાસ થવાની ટકાવારી 93.80 ટકા છે. સીબીએસઈ ધોરણ-10ના રિઝલ્ટમાં 99.68 ટકા સાથે ત્રિવેન્દ્રમ ટોચ પર છે જ્યારે 82.23 ટકા સાથે ગુવાહાટી સૌથી છેલ્લા ક્રમે છે. 26 એપ્રિલથી 24 મે દરમિયાન યોજાયેલી ધોરણ-10ની પરીક્ષામાં કુલ 2,09,39,78 વિદ્યાર્થીઓ બેઠા હતા.
ધોરણ-12માં પણ છોકરીઓએ બાજી મારી છે. આ વર્ષે ધોરણ-12ની પરીક્ષામાં છોકરીઓના પાસ થવાની ટકાવારી 94.54 રહી છે જ્યારે છોકરાઓની ટકાવારી 91.25 રહી છે. જ્યારે ટ્રાન્સજેન્ડર વિદ્યાર્થીઓની પાસ થવાની ટકાવારી 100 ટકા રહી છે. આ સાથે એક્ઝામ ક્ધટ્રોલર સંયમ ભારદ્વાજે જણાવ્યું હતું કે, 2022-23 એકેડેમિક સેસશન માટેની સીબીએસઈ ધોરણ-10 અને 12ની પરીક્ષા 15 ફેબ્રુઆરી 2023થી શરૂ થશે.
ધોરણ-10માં 20,93,978 વિદ્યાર્થીઓએ પરીક્ષા આપી હતી જેમાંથી 19,76,668 વિદ્યાર્થીઓ પાસ થયા છે. ધોરણ-12ની જેમ ત્રિવેન્દ્રમમાં સૌથી વધુ રિઝલ્ટ આવ્યું છે. ધોરણ-10માં ત્રિવેન્દ્રમ 99.68 સાથે પ્રથમ સ્થાને છે. જ્યારે બેંગલુરૂમાં 99.22 ટકા, ચેન્નઈનું 98.97 ટકા, અજમેરનું 98.14 ટકા અને પટણાનું 97.65 ટકા રિઝલ્ટ આવ્યું છે. ગુવાહાટી 82.23 ટકા સાથે સૌથી છેલ્લે છે.
