તારક મહેતા કા ઉલ્ટા ચશ્મા એક લોકપ્રિય ટીવી સિરિયલ છે અને ચાહકો આ સિરિયલના લોકપ્રિય પાત્ર દયાબેનની લાંબા સમયથી રાહ જોઈ રહ્યા હતા, જે અભિનેત્રી દિશા વાકાણી ભજવતી હતી, પરંતુ પ્રેગ્નન્સી બાદ દિશાએ પણ આ શોને અલવિદા કહી દીધું હતું. હવે તાજેતરમાં એવું સાંભળવા મળ્યું હતું કે અભિનેત્રી રાખી વિજન દયાબેનનું પાત્ર ભજવશે. દિવસોની અટકળો પછી, અભિનેત્રી રાખી વિજને સોની સબ શો તારક મહેતા કા ઉલ્ટા ચશ્મામાં દયાબેનની ભૂમિકામાં જોવા મળશે તેવી વાતોનું ખંડન કર્યું છે.
રાખીએ સ્પષ્ટતા કરી કે શોના નિર્માતાઓએ આ રોલ માટે તેનો સંપર્ક પણ કર્યો નથી. તેણીએ કહ્યું કે તેણી એવા અહેવાલોથી ચોંકી ગઈ હતી જેમાં દાવો કરવામાં આવ્યો હતો કે તે લોકપ્રિય શોમાં જોડાશે. રાખીએ તેના ઇન્સ્ટાગ્રામ એકાઉન્ટ પર આ અહેવાલોને નકારી કાઢ્યા છે. તેણીએ સ્ક્રીનશોટ શેર કર્યો જેમાં લખ્યું હતું, “તારક મહેતા કા ઉલ્ટા ચશ્મામાં નવી દયાબેનના રૂપમાં રાખી વિઝન જોવા મળશે” તેણીએ તેને કેપ્શન આપ્યું, “બધાને નમસ્કાર… આ સમાચાર એક અફવા છે… જેણે મને હચમચાવી નાખી છે. નિર્માતાઓ અથવા ચેનલ દ્વારા મારો સંપર્ક કરવામાં આવ્યો નથી.”
ચાહકોએ રાખીની સ્પષ્ટતા માટે આભાર માન્યો, પરંતુ એમ પણ કહ્યું કે તે આ રોલ માટે પરફેક્ટ હોત. દરમિયાન, શોના ચાહકો દિશા વાકાણીની લોકપ્રિય ભૂમિકામાં પરત ફરવાની વિનંતી કરતા રહ્યા.તારક મહેતા કા ઉલ્ટા ચશ્માના નિર્માતા અસિત મોદીએ તાજેતરમાં પુષ્ટિ કરી હતી કે દયાબેન લગભગ ચાર વર્ષ પછી શોમાં ફરીથી પ્રવેશ કરશે, પરંતુ ઉમેર્યું હતું કે દિશા વાકાણી પાત્ર ભજવવા માટે પાછી નહીં ફરે.
