રશિયા- યુક્રેન બન્ને દેશો હવે યુદ્ધના પરિણામની રાહમાં, ઝેલેન્સકીની બેઠકની પહેલ બાદ હવે પુતીનના નિવેદનની જોવાતી રાહ
યુક્રેનના રાષ્ટ્રપતિ વોલોદિમીર ઝેલેન્સકીએ કહ્યું છે કે તેઓ રશિયન રાષ્ટ્રપતિ વ્લાદિમીર પુતિન સાથે વાતચીત કરવા તૈયાર છે. તેમણે કહ્યું કે સમજૂતી હોવી જોઈએ પરંતુ શરત તરીકે કોઈ ‘અલ્ટિમેટમ’ ન હોવું જોઈએ.
ઝેલેન્સકીએ ગુરુવારે રાત્રે પ્રસારિત એક મુલાકાતમાં ઇટાલિયન આરએઆઈ ટેલિવિઝનને જણાવ્યું હતું કે યુક્રેન ક્યારેય ક્રિમિયાને રશિયાના ભાગ તરીકે ઓળખશે નહીં, જેના પર મોસ્કોએ 2014 માં કબજો કર્યો હતો. પ્રસારણ પહેલા જાહેર કરાયેલા અવતરણો અનુસાર, યુક્રેનના રાષ્ટ્રપતિએ કહ્યું, “ક્રિમીઆનું હંમેશા પોતાની સ્વાયત્તતા રહી છે. તેમણે કહ્યું કે તેઓ રશિયાના રાષ્ટ્રપતિ વ્લાદિમીર પુતિન સાથે વાત કરવા તૈયાર છે અને સમજૂતી થવી જોઈએ પરંતુ શરત તરીકે કોઈ ‘અલ્ટિમેટમ’ ન હોવું જોઈએ.
બીજી તરફ યુદ્ધ અંગેની વર્તમાન સ્થિતિ જોઈએ તો જાપાન અને યુરોપિયન યુનિયન રશિયા સામે પ્રતિબંધો વધારવા માટે સંમત થયા છે. બંને દેશોના નેતાઓએ ઈન્ડો-પેસિફિક ક્ષેત્રમાં યુદ્ધની અસર અંગે ચિંતા વ્યક્ત કરી, જ્યાં તેઓ ચીનની વધતી ઘૂસણખોરી વચ્ચે પરસ્પર ભાગીદારીને મજબૂત કરવા સહિત સહયોગ વધારવા માંગે છે. બીજી તરફ બ્રિટિશ વડાપ્રધાન બોરિસ જોન્સનનું કહેવું છે કે યુક્રેન પર હુમલા બાદ હવે રશિયન રાષ્ટ્રપતિ વ્લાદિમીર પુતિન સાથે સંબંધોને સામાન્ય બનાવવો મુશ્કેલ છે.
સ્ટીલ પ્લાન્ટમાં ફસાયેલા તેના સૈનિકોને સુરક્ષિત બહાર કાઢવાના બદલામાં બંધક રશિયન સૈનિકોને મુક્ત કરવાની યુક્રેનની ઓફરને પગલે હુમલા વધુ તીવ્ર બન્યા છે. યુક્રેનના નાયબ વડા પ્રધાન ઇરિના વેરેશચુકે કહ્યું, “મારીયુપોલમાં અમારા પ્રતિકારના છેલ્લા મોરચે ફસાયેલા ઘાયલ સૈનિકોને બહાર કાઢવા અંગે વાતચીત ચાલી રહી છે.”
મેરીયુપોલના મેયર પેટ્રો એન્ડ્રુશ્ચેન્કોએ જણાવ્યું હતું કે રશિયન સૈનિકોએ શહેરમાંથી બહાર નીકળવાના તમામ માર્ગો બંધ કરી દીધા છે. ત્યાં માત્ર થોડી ઇમારતોમાં રહેવાની સ્થિતિ છે. શહેરમાં બાકી રહેલા નાગરિકો ખોરાકના બદલામાં રશિયન દળોને સહકાર આપી રહ્યા છે. બીજી તરફ, રશિયન દળો પૂર્વી યુક્રેનમાં પોતાની સ્થિતિ મજબૂત કરી રહ્યા છે.
