મુખ્યમંત્રી ભૂપેન્દ્ર પટેલે અરણેજ બગોદરા ધોરીમાર્ગ પર બુધવાર વ્હેલી સવારે તૂફાન જીપકાર અને ટ્રક વચ્ચે થયેલા ગમખ્વાર માર્ગ અકસ્માતમાં મૃત્યુ પામેલા ૩ વ્યક્તિઓને પ્રત્યેકને રૂ. ૪ લાખની સહાય આપવાની જાહેરાત કરી છે.
ભૂપેન્દ્ર પટેલે આ માર્ગ અકસ્માતમાં જાન ગુમાવનારા વ્યક્તિઓના પરિવારજનો પ્રત્યે સંવેદના વ્યક્ત કરતાં મૃતકોના આત્માની શાંતિની પ્રાર્થના પણ કરી છે.
મુખ્યમંત્રીએ એવો નિર્ણય પણ કર્યો છે કે આ અકસ્માતમાં ઇજાગ્રસ્ત થયેલા વ્યક્તિઓને વ્યક્તિ દિઠ રૂ. પ૦ હજારની સહાય અપાશે.
અકસ્માતનો ભોગ બનેલા અને ઇજાગ્રસ્ત થયેલાઓ વાપી ખાતે યોજાયેલી રાજ્યકક્ષાની અંડર-૧૯ જૂડો સ્પર્ધામાં ભાગ લઇ પરત ફરી રહ્યા હતા ત્યારે અરણેજ બગોદરા માર્ગ પર આ કમનસીબ દુર્ઘટના બુધવારે સવારે સર્જાઇ હતી.
આ સહાય મુખ્યમંત્રી રાહતનિધિમાંથી આપવામાં આવશે.
મુખ્યમંત્રીશ્રી ભૂપેન્દ્ર પટેલ ને આ ઘટનાની જાણ થતાં જ તેમણે અમદાવાદ જિલ્લા કલેકટર,એસ.પી અને આરોગ્યના અધિકારીઓને તાત્કાલિક ઘટના સ્થળે પહોંચી ઇજાગ્રસ્ત વ્યક્તિઓની સારવાર નો પ્રબંધ કરવા સૂચના આપી હતી
આ અકસ્માતમાં ઈજા પામેલા વ્યક્તિઓ ને અમદાવાદ સિવિલ હોસ્પિટલ માં સારવાર અપાઈ રહી છે.
મુખ્યમંત્રીશ્રી ભૂપેન્દ્ર પટેલે અરણેજ-બગોદરા ધોરીમાર્ગ પર આજે વ્હેલી સવારે થયેલા ગમખ્વાર માર્ગ અકસ્માતમાં મૃત્યુ પામેલા 3 વ્યક્તિઓ પ્રત્યે દિલસોજી વ્યક્ત કરીને પ્રત્યેક મૃતકના પરિવારને ₹4 લાખ તથા અકસ્માતમાં ઇજાગ્રસ્ત વ્યક્તિઓને વ્યક્તિ દિઠ ₹50 હજારની સહાય આપવાની જાહેરાત કરી છે. pic.twitter.com/OcoSSxV7OK
— CMO Gujarat (@CMOGuj) December 29, 2021
