રાજય સરકારે 16 હજારથી વધુ મૃત્યુ પામનારની સહાય મંજુર કરી દીધી, હજુ આ સહાયના આંકડો અનેક ગણો વધશે
નાવ ઇટ્સ ઓફિશિયલ, સરકાર ભલે રાજ્યમાં કોરોનાથી માત્ર 10,090 લોકોના મૃત્યુ થયું હોવાનું ગાણું ગાતું હોય, પણ બીજી તરફ સરકારે જ અત્યાર સુધીમાં 16 હજારથી વધુ મૃતકોની સહાય મંજુર કરી દીધી છે. અને આવનાર દિવસોમાં હજુ અનેક ગણી સહાય મંજુર કરવામાં આવશે. એટલે હવે સરકારના ઓછા આંકડા સૌને ઉડીને આખે વળગ્યા છે.
ગુજરાત સરકારે સુપ્રીમ કોર્ટને જાણ કરી છે કે તેમને રાજ્યમાં કોવિડ -19 થી મૃત્યુ પામેલા લોકોના સંબંધીઓ તરફથી વળતર માટે 22,557 અરજીઓ મળી છે, જેમાંથી રાજ્ય સરકારે 16,175 કેસોમાં ચૂકવણી મંજૂર કરી છે. મહત્વનું છે કે ગુજરાતમાં સત્તાવાર કોવિડ મૃત્યઆંક સરકારે જાહેર કર્યા મુજબ સોમવાર સુધીમાં 10,099 છે અને જઈને સુપરત કરાયેલ અહેવાલ સૂચવે છે કે 6,076 વધારાના દાવાઓઓ કોરોના મૃત્યુઆંકમાં ઉમેરવામાં આવ્યા છે, જે સાથે તાજેતરમાં કોરોના આંકડા અપડેટ કરનાર રાજ્યમાં ગુજરાતનું નામ નવું છે.
મોટાભાગનાં રાજ્યો જઈના નિર્દેશને ધ્યાનમાં રાખીને કોર્ટને વળતરની ચૂકવણીની જાણ કરી રહ્યા છે. અહીં નોંધનીય છે કે સુપ્રીમ કોર્ટ દ્વારા કોવિડ પીડિતોના આત્મહત્યાના કિસ્સાઓને પણ કોરોના મોતૃના આંકડામાં સામેલ કરવાની પાત્રતા ઠેરવી દીધી છે. સુપ્રીમ કોર્ટે આ અંગે કહ્યું હતું કે કોઈ પણ કારણસર મૃત્યુ થાય ત્યારે જો તે વ્યક્તિ કોવિડથી પીડિત હોય અથવા રોગ થયાનું નિદાન થયું હોય તેના એક મહિનાની અંદર મૃત્યુ પામે તો તેને “કોવિડ મૃત્યુ” તરીકે ગણવામાં આવે.
9 ડિસેમ્બરે સર્વોચ્ચ અદાલતમાં દાખલ કરાયેલ એફિડેવિટમાં, ગૌરવ બંસલ દ્વારા કોવિડ મૃત્યુના કેસોમાં રૂ. 50,000 વળતરની વહેંચણી અંગે દાખલ કરાયેલી અરજીના જવાબમાં, ગુજરાતના રાહત કમિશનરે જણાવ્યું હતું કે, એ સ્વિકારવામાં કરવામાં આવે છે કે આજ સુધીમાં વળતરની માગણી સાથે 22,557 અરજીઓ મળી છે. જેમાંથી 16,175 કેસ માટે વળતર ચૂકવણીની મંજૂરી આપી દેવામાં આવી છે.
વધુમાં માહિતી આપવામાં આવી છે કે મંજૂર કરાયેલા 16,175 કેસમાંથી 14,215 કેસ માટે ડાયરેક્ટ બેનિફિટ ટ્રાન્સફર કરવામાં આવ્યા છે. ભૂતકાળમાં, ભૂતપૂર્વ મુખ્ય પ્રધાન વિજય રૂપાણીએ કોવિડ મૃત્યુના ઓછા આંકડા આપવાની વાતને નકારી કાઢી હતી. કોવિડ મૃત્યુ નોંધવાની પદ્ધતિ આઇસીએમઆર દ્વારા નિર્ધારિત કરવામાં આવી છે અને ગુજરાત સહિત તમામ રાજ્યો તેનું પાલન કરી રહ્યા છે. અન્ય રાજ્યો પણ કોમોર્બિડ દર્દીઓના મૃત્યુને કોવિડ મૃત્યુ તરીકે નોંધતા નથી તેમ તત્કાલિન મુખ્યમંત્રી રૂપાણીએ કહ્યું હતું.
રાજ્યમાં કોવિડ વળતરનો મુદ્દો વિવાદાસ્પદ રહ્યો છે કારણ કે નિષ્ણાતો માને છે કે વાયરસના પ્રકોપથી મૃત્યુ પામેલા લોકોની વાસ્તવિક સંખ્યા ઘણી વધારે હોઈ શકે છે, જેના પરિણામે રૂ. 50,000 ના વળતર માટે હજુ વધુ દાવાઓ થવાની ધારણા છે. ગુજરાત સરકારે કોર્ટ સમક્ષ કબલ્યું હતું કે તે સુપ્રીમના નિર્દેશો મુજબ વળતર આપવાની આ યોજનાનો વ્યાપકપણે પ્રચાર કરી રહી છે. જેના કારણે દાવાની સંખ્યામાં વધુ વધારો થવાની સંભાવના છે.
ગુજરાત સરકારે કહ્યું કે તેણે ઓલ ઈન્ડિયા રેડિયો પર આ સંદર્ભે એક જાહેરાત પ્રસારિત કરવાનું શરૂ કર્યું છે અને ટૂંક સમયમાં આ માહિતી એફએમ રેડિયો પર પણ પ્રસારિત કરાશે અને સ્થાનિક દૈનિકોમાં પણ જાહેરાતો પ્રકાશિત કરાશે. તેમ એડવોકેટ પ્રાંજલ કિશોરે જણાવ્યું હતું. તેઓ ગુજરાત સરકારના કોવિડ-19 મૃત્યુ વળતર યોજના અંગેના નોટિફિકેશનને લઈને પ્રશ્ન ઉઠાવનાર અરજદાર અમિત પંચાલ વતી હાજર રહ્યા હતા.
અરજદારે પોતાની અરજીમાં દાવો કર્યો હતો કે ગુજરાત સરકારે વળતર આપવા માટેના નોટિફિકેશનમાં સુપ્રીમ કોર્ટની માર્ગદર્શિકાનું પાલન કર્યું નથી. જે બાદ સુપ્રીમે રાજ્ય સરકારના ખખડાવી નાખી હતી.
સુપ્રીમના નિર્દેશો પર રાજ્ય સરકારે એક પોર્ટલ શરૂ કર્યું છે જેના પર કોવિડ -19 પીડિતોના સંબંધીઓ ઑનલાઇન અરજીઓ ફાઇલ કરી શકે છે. “ઓનલાઈન પોર્ટલની લિંક તમામ જિલ્લા કલેક્ટરોની બહુવિધ સરકારી વેબસાઈટ પર તેમજ ગ્રામ્ય સ્તરે ઈ-ગ્રામ કેન્દ્રોના વીસીઇ પર આપવામાં આવી છે.” તેવું સરકાર તરફથી એફિડેવિટ કરીને જણાવવામાં આવ્યું હતું.
રાજ્ય સરકારે એમ પણ ઉમેર્યું હતું કે 4 ડિસેમ્બરે, તેણે કોર્ટને જાણ કરી હતી કે તેમને 12,718 અરજીઓ મળી હતી અને તેમાંથી 7,145 દાવા મંજૂર કરવામાં આવ્યા હતા અને 6,515 કેસોમાં ચૂકવણી કરવામાં આવી હતી. સુપ્રીમ કોર્ટે તમામ રાજ્ય સરકારોને એવા કેસોમાં વળતર ચૂકવવા જણાવ્યું હતું કે જેમાં આરટી-પીસીઆર ટેસ્ટ પોઝિટિવ આવ્યો હતો અને ટેસ્ટના 30 દિવસની અંદર દર્દીનું મૃત્યુ થયું હોય.
જોકે ગુજરાત સરકારે પોતાના નોટિફિકેશનમાં વળતર મેળવવા માટે બીજા પણ કેટલાક માપદંડો ઉમેરવામાં આવતા સુપ્રીમ કોર્ટ ખૂબ નારાજ થઈ હતી અને રાજ્ય સરકારનો ઉધડો લઈ લીધો હતો. આ મામલે વધારાની સુનાવણી બુધવારે રાખવામાં આવી છે.
હોય… આગામી 48 કલાકમાં લંડન ઓમિક્રોનથી ઘેરાઈ જશે?
આગામી 48 કલાકમાં બ્રિટન ઓમીક્રોનથી ઘેરાઈ જશે તેવી દહેશત ફેલાય છે. આરોગ્ય સચિવ સાજિદ જાવિદે પણ જણાવ્યું હતું કે, કોરોનાવાયરસનો નવો પ્રકાર ઝડપથી ફેલાઈ રહ્યો છે અને આગામી 48 કલાકમાં બ્રિટિશ રાજધાનીમાં ભયાનક સ્વરૂપ ધારણ કરશે. કોવિડ -19 નો કોઈ વેરીએન્ટ આટલી ઝડપથી ફેલાયો નથી તેમ જાવિદે સંસદમાં જણાવ્યું.
ઓમિક્રોનના 20 ટકાથી વધુ કેસોનું ઇંગલેન્ડમાં છે. તેમાંથી લંડનમાં 44% થી વધુ કેસો સામે આવ્યા છે. યુનાઇટેડ કિંગડમમાં નવેમ્બર 27 ના રોજ પ્રથમ ઓમિક્રોન કેસ શોધી કાઢવામાં આવ્યો હતો, ત્યારબાદ જ્હોન્સને વધુ સખત નિયંત્રણો લાગુ કર્યા છે અને રવિવારે તેમણે લોકોને આરોગ્ય સેવાને વધુ સઘન બનાવવાની સાથેબૂસ્ટર શોટ્સ મેળવવા વિનંતી કરી હતી. બીજી બાજુ દેશની હોસ્પિટલમાં દર્દીઓની કતારો જોવા મળી છે. આ દેશની સ્થિતિ અત્યારે વિશ્વમાં સૌથી વધુ ખરાબ જોવા મળી રહી છે.
ભારત આગામી વર્ષે 500 કરોડ રસીના ડોઝનું ઉત્પાદન કરશે
કેન્દ્રીય વાણિજ્ય અને ઉદ્યોગ મંત્ર પીયૂષ ગોયલે જણાવ્યું હતું કે રાષ્ટ્ર વાણિજ્યિક ચીજવસ્તુઓની નિકાસમાં મોટા પ્રમાણમાં વધારો કરવા માટે કામ કરી રહ્યું છે. તેમણે કહ્યું કે વડાપ્રધાન નરેન્દ્ર મોદીના નેતૃત્વમાં સરકાર દ્વારા શરૂ કરવામાં આવેલા માળખાકીય ફેરફારોને કારણે આ શક્ય બન્યું છે.
કેન્દ્રીય મંત્રીએ કહ્યું કે વડા પ્રધાનના “લોકલ ગોઝ ગ્લોબલ: મેક ઇન ઈન્ડિયા ફોર ધ વર્લ્ડ” ના અનુસંધાનમાં, વર્ષ 2021-22 માટે 400 બિલિયન ડોલરની વ્યાપારી નિકાસનો લક્ષ્યાંક નક્કી કરવામાં આવ્યો છે. પીયૂષ ગોયલે મુંબઈમાં એક્સપોર્ટ પ્રમોશન કાઉન્સિલ, કોમોડિટી બોર્ડ અને ઓથોરિટીઝ અને અન્ય હિતધારકો સાથેની બેઠક દરમિયાન નિકાસ વધારવાના પગલાં અંગે ચર્ચા કરવા માટે આ વાત કહી હતી. તેઓએ કહ્યું હતું કે ભારત આગામી વર્ષે 500 કરોડ રસીના ડોઝનું ઉત્પાદન કરશે.
