નાથાલાલ કાલરિયાના પુત્રના લગ્ન પ્રસંગમાં હાજરી આપશે: એક કલાકનું ટુંકુ રોકાણ
અબતક,રાજકોટ
ગુજરત પ્રદેશ ભાજપ પ્રમુખ સી.આર. પાટીલ ગત શનિવારે રાજકોટની મૂલાકાતે આવ્યા હતા દરમિયાન આજે સાંજે મુખ્યમંત્રી ભુપેન્દ્રભાઈ પટેલ એક કલાક માટે રાજકોટની મૂલાકાતે આવી રહ્યા છે. તેઓ ખિરસરા ખાતે યોજાનારા એક લગ્ન પ્રસંગમાં હાજરી આપશે રાજકોટમાં મુખ્યમંત્રી માત્ર એક કલાકનું ટુંકુ રોણ કરશે ત્યારબાદ ગાંધીનગર જવા રવાના થશે.
મુખ્યમંત્રી ભુપેન્દ્રભાઈ પટેલ આજેસાજે એક કલાક માટે રાજકોટની મૂલાકાતે આવી રહ્યા છે. તેઓ નાથાભાઈ કાલરિયાના પુત્ર અને વડાલીયા ફૂડવાળા રાજનભાઈ કાલરિયાના પુત્રના લગ્નમાં હાજરી આપવામાં માટે રાજકોટ આવી રહ્યા હોવાનું જાણવા મળી રહ્યું છે. તેઓનું સાંજે 7 વાગ્યે રાજકોટ એરપોર્ટ આગમન થશે જયાંથી તેઓ સિધ્ધા ખીરસરા ગામમાં જશે. જયાં લગ્ન પ્રસંગમાં એક કલાક માટે હાજરી આપ્યા બાદ 8 વાગ્યે ફરી એરપોર્ટ આવી ગાંધીનગર જવા માટે રવાના થશે. આજે રાજકોટ ખાતે લગ્ન પ્રસંગમાં હાજરી આપવા સિવાયના અન્ય એક પણ કાર્યક્રમ ન હોવાનું જાણવા મળી રહ્યું છે. મુખ્યમંત્રીની મૂલાકાત ને લઈ સમગ્ર જિલ્લા વહિવટ તંત્ર સજજ થઈ ગયું છે. મુખ્યમંત્રીના રૂટ પર પેટ્રોલીંગ પણ કરવામાં આવ્યું હતુ.
