અબતક-વારીશ પટણી- ભુજ : ગાંધીધામમાં રહેતા યુવાનને ઓનલાઈન પ્રેમમાં ફસાવી કેન્સરની બીમારીનું બહાનું બતાવી રૂ.૯૩ લાખ જેટલી રકમ પડાવી લીધી હોવાની ફરિયાદ પોલીસમાં નોંધાતા પોલીસે એક યુવતી સહિત બે ચીટરોને જયપુરથી ઝડપી પાડયા છે.
આ અંગેની પોલીસમાંથી પ્રાપ્ત વિગત મુજબ ગાંધીધામ એ-ડિવિઝન પોલીસ મથકમાં યુવાને ફરિયાદ નોંધાવી હતી કે જયપુરની તૃપ્તિ અનિલ રાય નામની યુવતીએ ઓનલાઈન પ્રેમ સંબંધ બાંધી ઇમોશનલ બ્લેકમેઇલ કરી યુવતીએ પોતાને કેન્સર હોવાનું જણાવી યુવાન પાસેથી કટકે-કટકે રૂ.૯૩ લાખ જેટલા પૈસા પડાવ્યા હતા.
જેની ફરિયાદ ગાંધીધામ એ-ડિવિઝન પોલીસમાં નોંધાતા પોલીસે જયપુરથી ચીટર તૃપ્તિ રાય અને પંકજ વિષ્ણુ અગ્રવાલ નામના શખ્સોને દબોચી લઈ પૈસાની રિકવરી કરવા પોલીસે કાર્યવાહી હાથધરી છે.
