કોરોનાની બીજી લહેરએ સમગ્ર દેશમાં હાહાકાર મચાવ્યો છે. જેમાં ડોક્ટરો, તબીબી કર્મચારીઓ, સ્મશાન ઘાટ પર કાર્ય કરતા લોકોને ગુજરાત સરકારે ફ્રન્ટલાઈન વર્કરો જાહેર કર્યા છે. જયારે આવી કપરી પરિસ્થિતિમાં ગુજરાતમાંથી એક ચોંકાવનારો મામલો સામે આવ્યો છે. કોરોના સંકટમાં સંક્રમિત લોકોની લાશનું અંતિમ સંસ્કાર કરનારા લોકોએ ગ્રામજનો પર ભેદભાવનો આરોપ લગાવ્યો છે.
આ મામલો ગુજરાતના તાપી જિલ્લાના વ્યારા ગામનો છે. જ્યાંના કામદારોમાંથી એક કામદાર કૌશિક કુમારે કહ્યું હતું કે, ‘વાયરસના ડરથી ગ્રામજનો તેમને ગામમાંથી પાણી ભરવા દેતા નથી. આ સાથે તેમના પરિવારને મળવાની મંજૂરી પણ નથી. આ બાબતે ફરિયાદ નોંધાવા છતાં કોઇ કાર્યવાહી કરવામાં આવી નથી.’
Gujarat | Several workers from a crematorium in Vyara allege discrimination in villages. “I’m not allowed in my village due to this work. They don’t let us fill water, nor do they let me meet my family; filed complaint but to no avail. I’ve to live here,”Kawasik Kumar said(20.05) pic.twitter.com/IJo1ZsEPjV
— ANI (@ANI) May 20, 2021
13 મેના રોજ, ગુજરાત સરકારે સ્મશાન કર્મચારીઓને ફ્રન્ટલાઈન કાર્યકરો જાહેર કર્યો હતા. આ સાથે, તેમના સરકારી લાભમાં વધારો કરવામાં આવ્યો. રાજ્ય સરકારે કહ્યું હતું કે, ‘સ્મશાન ઘાટ પર કામ કરતા મજૂરોના મોત બાદ તેમના પરિવારોને વળતર રૂપે 25 લાખ આપવામાં આવશે. આ સિવાય અન્ય ફાયદા પણ આપવામાં આવશે.’
