કોરોના સામે સુરક્ષા કવચ મનાતી રસી મેળવવા માટે “રસ્સાખેંચ” જામી છે. કેન્દ્ર અને રાજ્ય સરકાર વચ્ચે તો રસી ઉત્પાદક કંપનીઓ વચ્ચે અને હવે સત્તામાં રહેલ પક્ષ અને વિપક્ષ વચ્ચે પણ રસીની રેસ જામી છે. એમાં પણ એક તરફ કોરોનાનો કપરોકાળ ચાલી રહ્યો છે તો બીજી તરફ કરોડો રૂપિયાના ખર્ચે નવી સંસદના નિર્માણ માટેનો સેન્ટ્રલ વિસ્ટા પ્રોજેક્ટ શરૂ છે. આ મુદ્દાને વિપક્ષોએ ઉપાડી મોદી સરકારને ઘેરી છે. વિપક્ષના 12 જેટલા દળોએ વડાપ્રધાન નરેન્દ્ર મોદીને પત્ર લખી સેન્ટ્રલ વિસ્ટા પ્રોજેકટ ઉપર રોક લગાવી અને દેશભરમાં રસી મફતમાં આપવાની માગણી કરી છે.
આ પત્રમાં સોનિયા ગાંધી (આઈએનસી), એચડી દેવગૌડા (જેડી-એસ), શરદ પવાર (એનસીપી), ઉદ્ધવ ઠાકરે (શિવસેના), મમતા બેનરજી (ટીએમસી), એમ કે સ્ટાલિન (ડીએમકે), હેમંત સોરેન (જેએમએમ), ફારુક અશ્રુદ (જે.કે.પી.એ.), અખિલેશ યાદવ (એસ.પી.), ચમકીલા યાદ (આરજેડી), ડી રાજા (સીપીઆઈ) અને સીતારામ યેચુરી (સીપીઆઇ-એમ) એ હસ્તાક્ષર કર્યા છે. આ પત્રમાં વિપક્ષ દ્વારા એમ પણ જણાવાયું છે કે સેન્ટ્રલ વિસ્ટા પ્રોજેક્ટ બંધ થાય અને તેની રકમ સેવા સ્વાસ્થ્ય સેવા પર લગાવવામાં આવે.
