કોરોના વાયરસે ફેલાવેલી વૈશ્ર્વિક મહામારીથી વિશ્ર્વ આખુ હતપ્રત થઈ ગયું છે. કોરોના વાયરસ આવ્યાને એક વર્ષ કરતા વધુ સમય વીતિ ગયો છે. ત્યારે આ વૈશ્ર્વિક મહામારી વિરૂધ્ધની ‘અસલ’ લડાઈ ભારતમાં આજથી જ શરૂ થઈ હતી. વડાપ્રધાન નરેન્દ્ર મોદીના આહવાનથી 22 માર્ચ, 2020ને રવિવારના દિવસે દેશભરમાં જનતા કફર્યું પાળવામાં આવ્યો હતો. લોકો સ્વૈચ્છાએ પોતાના ઘરમાં ‘કેદ’ થયા હતા. લોકડાઉનનાં ટ્રાયલ કહેવાતા આ જનતા કફર્યુંએ વાતના અણસાર આપી દીધા હતા કે કોરોના વાયરસથી બચવા ભારતવાસીઓને ઘણા દિવસો સુધી ઘરમાં જ રહેવું પડશે.
Happy Anniversary #JanataCurfew 😄 pic.twitter.com/xd3utd0Pxx
— KuNaL ✨ (@kunalkapoor_) March 22, 2021
જોકે, આમ બન્યું પણ ખરા કોરોનાએ આપણને કેટલાક મહિના સુધી ઘરમાં ‘લોક’ કરી દીધા અને આ કપરાકાળમાંથી કોઈ ઉગારે તેવી દવા અને રસીની રાહમાં મૂકી દીધા પરંતુ આજ વિશ્ર્વભરમાં અલગ અલગ પ્રકારની ઘણી રસી ઉપલબ્ધ છે. ભારત પાસે પોતાની જ બે સ્વદેશી રસી છે. જેની વિશ્ર્વના તમામ દેશોમાં બોલબાલા થઈ રહી છે. પણ આજ એક વર્ષ બાદ પણ ‘કોરોના’ એક ચિંતાનો વિષય છે. હાલ, કેસ ફરી વધતા જઈ રહ્યા છે.
#JanataCurfew Anniversary pic.twitter.com/PcmkQIRFCf
— Inderjeet Singh – Casting Director 🇮🇳 🇮🇳 🇮🇳 (@Inderje79692892) March 22, 2021
વર્ષ 2020માં આજના જ દિવસે દેશ સાંજે પાંચ વાગ્યાના ટકોરે થાળી, વાટકાના નાદથી ગુંજી ઉઠ્યો હતો. પ્રધાનમંત્રી નરેન્દ્ર મોદીની અપીલથી કોરોના યોધ્ધાઓનું પાંચ મીનીટ સુધી થાળી-વાટકા, ટંકોરી વગાડી સન્માન કરાયું હતુ. આ દિવસે ઘણા લોકોએ ઘણા નુસંખાઓ પણ અપનાવેલા જેના વીડિયો સોશ્યલ મીડિયા પર વાયરલ થયા હતા. બાળકોથી માંડી વયોવૃધ્ધોના થાળી, વાટકા સાથેના વીડિયો સામે આવ્યા હતા.
