ગોવર્ધનનાથજી હવેલી ખાતે ઠાકોરજી સન્મુખ જાજરમાન અભિવાદન સમારોહ યોજાયો
ફીડમ યુવા ગ્રુપ રાજકોટ દ્વારા ગઇકાલે રાજકોટમાં ચુંટાયેલા નવા નગરસેવકોનું તેની જવાબદારીનું વહન કરતા પહેલા ગોવર્ધનનાથજી હવેલી ખાતે ઠાકોરજી સન્મુખ સન્માન કરાયું હતું.
શહેરનો ખૂબ જ સારી રીતે સર્વાંગી વિકાસ થશે: મેયર ડો. પ્રદિપ ડવ
ડો. પ્રદીપ ડવઉ ‘અબતક’ સાથે વાત કરતાં જણાવ્યું હતું કે ફીડમ યુવા ગ્રુપ દ્વારા એક અલગ પ્રકારે સન્માન કરાયું છે. શ્રીનાથજીના નગરસેવકોને સારા આશીષ મળે અને સારુ બળ મળે તે માટે ઠાકોરજીના ચરણોમાં અમે વંદન કરી જેમના આશીર્વાદ લીધા છે. રાજકોટના સર્વાગી વિકાસ થાય અને ફીડમ ગ્રુપ દ્વારા જે ભવ્ય સન્માન કરવામાં આવ્યું છે તે બદલ હું તેમનો આભાર માનું છું. ઠાકોરજીના આશીર્વાદ મળ્યા છે. ત્યારે રાજકોટ શહેરના આગામી દિવસોમાં મારી સમગ્ર ટીમ સાથે દરેક બાબતોને ઘ્યાનમાં રાખીને ખુબ જ સારી રીતે રાજકોટનો સંવાગી વિકાસ થશે એવી અભિલાષા છે.
નવા નગરસેવકો ઠાકોરજીના આશિર્વાદ સાથે નવી જવાબદારી વહન કરશે: ભાગ્યેશ વોરા
ફીડમ યુવા ગ્રુપ રાજકોટના સંસ્થાપક ભાગ્યેશભાઇ વોરાએ ‘અબતક’ સાથેની વાતચીતમાં જણાવ્યું હતું કે ફીડમ યુવા ગ્રુપ દ્વારા રાજકોટના તાજેતરમાં નીમણુંક કરાયેલા મેયર, ડેપ્યુટી મેયર અને પદાધિકારીઓનું અનોખું સન્માન કરાયું હતુ. નવી જવાબદારી વહન કરતા સત્તા વાહકોનું ઠાકોરજી સન્માન થાય અને ઠાકોરજીના આશીર્વાદ તેમની સાથે રહે તેવી પ્રાર્થના કરવામાં આવી હતી.
પ્રજાની અપેક્ષા પુરી કરવા શ્રીનાથજી અમને શકિત આપે એવી પ્રાર્થના કરી: મનિષ રાડિયા
વોર્ડ નં.4 ના કોર્પોરેટર મનીષ રાડિયાએ ‘અબતક’ સાથે વાતચીત કરતા જણાવ્યું હતું કે ગોવર્ધનનાથજી હવેલી ખાતે ફીડમ યુવા ગ્રુપ દ્વારા રાજકોટના કોર્પોરેટરનું એક અનોખું સન્માન યોજાયું હતું. કોઇપણ ફંકશન વિના ઠાકોરજીની સન્મુખ નવા ચુંટાયેલા ભારતીય જનતા પાર્ટીના કોર્પોરેટરનું ઠાકોરજી સન્મુન સન્માન કરાયું અને અમે લોકોએ પણ ઠાકોરજી સમક્ષ પ્રાર્થના કરી કે આવતા પાંચ વર્ષમાં પ્રજાએ જે અમને મેન્ડેડઆપ્યો છે તેથી રાજકોટનો વિકાસ ખુબ ઝડપથી થઇ રહ્યો છે અને એમાં પણ વધારે ઝડપ આવે અને રાજકોટની પ્રજાની અપેક્ષા પુરી કરવાની શ્રીનાથજી અમને શકિત આપે એવી પ્રાર્થના કરી છે.
રાજકોટના વિકાસમાં આગામી દિવસોમાં સૌ સાથે મળીને બધા કાર્યરત રહીશું: દેવાંગ માંકડ
વોર્ડ નં.7 ના કોર્પોરેટર દેવાંગ માંકડએ ‘અબતક’ સાથે વાતચીત કરતા જણાવ્યું હતું કે ફીડમ યુવા ગ્રુપ દ્વારા ગોવર્ધનનાથજી હવેલી ખાતે શ્રીનાથજીના સન્મુન ભારતીય જનતા પાર્ટીના મેયર અને કોર્પોરેટરોનું સન્માન કરાયું હતું. જેમાં સર્વ ઉપસ્થિત રહ્યા હતા. અમારા સન્માન બદલ ખુબ ખુબ આભાર માનીએ છીએ અને આવનારા દિવસોમાં અમે સૌ સાથે મળીને રાજકોટના વિકાસમાં બધા કાર્યરત રહેશું તેવી ઠાકોરજીને પ્રાર્થના કરું છું.
