મંગળવારે રાજ્યસભાની ત્રણ બેઠકો માટે યોજાયેલી ચુંટણી ખરેખર ગુજરાતના ઇતિહાસમાં અદભુત રહી છે.૮ કલાકના વિલંબ બાદ રાત્રે ૧.૪૫ વાગે શરૂ થયેલી મતગણતરીમાં કોંગ્રેસના દિગ્ગજ નેતા અહેમદ પટેલનો વિજય થયો હતો.તેમને જીતવામાટે જરૂરી ૪૪ મત મળ્યા હતા.આ સાથે જ ભાજપના અમિતશાહ 46 અને સ્મૃતિ ઈરાનીનો પણ 46 મત સાથે વિજય થયો હતો.જયારે કોંગ્રેસ છોડી ભાજપમાં પ્રવેશેલા બળવંતસિંહ રાજપૂતને ૩૮ મત મળતા તેમનો પરાજય થયો હતો.
