કાલાવડ-રાજકોટ હાઈવે રોડ, આણંદપર ચોકડી પાસેથી એક ઈસમને દેશી હાથ બનાવટના તમંચા સાથે એસઓજીની ટીમે પકડી પાડયો છે. પોલીસ અધિક્ષક દિપન ભદ્રન દ્વારા જામનગર શહેર વિસ્તારમાં ગેરકાયદેસર હથિયાર રાખતા ઈસમોને પકડી પાડી કાયદેસરની કાર્યવાહી કરવા બાબતે એસઓજીને સુચના કરતા તે અનુસંધાને બાતમીના આધારે કાલાવડ-રાજકોટ હાઈવે રોડ, આણંદપર ચોકડી પાસેથી આરોપી નરેશભાઈ વિશાભાઈ ઝાપડા જાતે.ભરવાડ (ઉ.વ.૨૮, ધંધો-ડ્રાઈવીંગ, રહે.સરવાણીયા ગામ તા.કાલાવડ, જી.જામનગર વાળાને ગેરકાયદેસર દેશી હાથ બનાવટના તમંચા નંગ-૧ કી.રૂા.૭૦૦૦ તથા એક મોબાઈલ ફોન કી.રૂા.૫૦૦૦/- તથા એક સપ્લેન્ડર પ્લસ મોટર સાયકલ કી રૂા.૨૫,૦૦૦/-ની સાથે પકડી કાલાવડ ગ્રામ્ય પોલીસ સ્ટેશન ખાતે આર્મ્સ એકટ મુજબ ગુનો દાખલ કરાવી આગળની તપાસ શરૂ કરવામાં આવેલ છે.
