સૌરાષ્ટ્ર ઝોનના પ્રમુખ ડો. અમિત હપાણી તથા અતુલ પંડયા સહિતના કાર્યકર્તા જોડાયા
રાજકોટ ખાતે પ્રદેશ ભાજપના નવનિયુકત સી.આર. પાટીલની બે દિવસીય રાજકોટની મુલાકાત દરમ્યાન શહેર ભાજપ દ્વારા વિવિધ કાર્યક્રમોનું આયોજન કરવામાં આવેલ હતુ. જેમાં રાણીગા વાડી ખાતે વિવિધ સમાજ, સંસ્થાના અગ્રણીઓએ ઉપસ્થિત રહી સી.આર. પાટીલનું સ્વાગત કર્યું હતુ. ત્યારે ભાજપ ડોકટર સેલ, સૌરાષ્ટ્ર ઝોનના પ્રમુખ ડો. અમીત હપાણી તથા રાજકોટ ભાજપ ડોકટર સેલનાં ક્ન્વીનર ડો. અતુલ પંડયા દ્વારા સી.આર. પાટીલનું સ્વાગત કરવામા આવ્યું હતુ અને સન્માનના પ્રત્યુતરમાં સી.આર. પાટીલે જણાવ્યું હતુ કે કોરોનાની મહામારીમાં ડોકટરસેલ દ્વારા કરવામાં આવેલ સેવાકીય કામગીરીને આવકારી ડોકટરોને અભિનંદન પાઠવ્યા હતા.
