અક્ષયકુમાર એટલે બોલીવુડનો ‘મિસ્ટર ખિલાડી’ શહીદોના પરિવારો માટે દાન એકત્ર કરે છે, ખુદ પોતે આર્થિક સહાય કરે છે, મહારાષ્ટ્રના દુષ્કાળગ્રસ્ત ખેડૂતોને (નાના પાટેકર સાથે મળીને’ મદદ કરે છે તે બધી સખાવતોને ભૂલાવીને સોશિયલ મીડિયા પર તાજેતરમાં તેના પર પસ્તાવ પડી ! મામલો કંઈક આવો છે ગત રવિવારે લંડનમાં લોર્ડસના મેદાન પર વીમેન્સ ક્રિકેટ વર્લ્ડકપના ફાઈનલ મેચમાં અક્ષયકુમાર ભારતીય ખેલાડીઓને ચિયર અપ કરવા પહોંચી ગયો હતો. તેણે મેદાન પર અને પછી સ્ટેડિયમમાં રહીને ખેલાડીઓને પાનો ચઢાવ્યો.સ્ટેડીયમના વીઆઈપી બોકસમાં ત્યારે તેના હાથમાં ભારતનો રાષ્ટ્રીય ધ્વજ તિરંગો હતો. પરંતુ ગેલમાં આવી ગયેલા અક્ષયના હાથમાં પવનથી ઉડીને કયારે તિરંગો ઉલટો થઈ ગયો તેનું બિચારા તેને પણ સાન-ભાન નહીં રહ્યું હોય. બસ આટલો જ અક્કીનો વાંક ! ને પછી તો જે થઈ છે અક્ષયકુમારની માથે ! આ તસવીર સોશિયલ મીડિયા પર વાયરલ થતાં બાપ રે બાપ જે આવે તે બધા વરસી પડયા. ટૂંકમાં અકકીની આ તસવીર ટ્રોલ (ટીકાપાત્ર) થઈ. બધાને લાગ્યું કે અક્ષયકુમારે તિરંગાનું અપમાન કર્યું છે.જો કે, અક્ષયે બાદમાં ઓનલાઈન માફી પણ માગી લીધી અને પોતાને દેશભકત ગણાવ્યો હતો. અક્ષયકુમારે એક વેબસાઈટ લોન્ચ કરી છે જેમાં સહીદોના પરિવારને સીધી જ આર્થિક મદદ પહોંચાડી શકાય છે. બાય ધ વે, અક્ષયકુમાર અને ભૂમિ પેડણેકરની ફિલ્મ ‘ટોઈલેટ: એક પ્રેમ કથા’ આગામી તારીખ ૧૧ ઓગષ્ટે રીલીઝ થશે.
અક્ષયકુમારે શહીદોના પરિવારો માટે ‘આટલું’ કર્યું તેનું કાંઈ નઈ ?
Akshay Kumar did not do 'much' for the families of martyrs?
