વિરમગામમાં એએસપી તરીકે પસંશનીય ફરજ બજાવી બઢતી સાથે પ્રવિણકુમારની રાજકોટમાં નિમણુંક
શહેરના ડીસીપી ઝોન-૧ રવિ મોહન સૈનીની પોરબંદર એસપી તરીકે બદલી થયા બાદ ખાલી પડેલી જગ્યા પર વિરમગામના એએસપી પ્રવિણકુમારને બઢતી આપી નિમણુંક અપાતા તેઓએ આજે સવારે રાજકોટ ડીસીપી ઝોન-૧નો ચાર્જ સંભાળી લીધો છે.
કડીના દારૂકાંડના કારણે મહેસાણાના એસપીની એસઆરપીમાં થયેલી બદલી બાદ તેમની જગ્યાએ પોરબંદરના એસપી પાર્થરાજસિંહ ગોહિલની જગ્યાએ રાજકોટ ઝોન-૧ના ડીસીપી રવિ મોહન સૈનીની બદલી કરાઇ હતી. રાજકોટમાં ડીસીપી ઝોન-૧ની ખાલી પડેલી જગ્યા પર ૨૦૧૬ની આઇપીએસ બેન્ચના અને વિરમગામમાં એએસપી તરીકે ફરજ બજાવતા પ્રવિણકુમારને બઢતી આપી રાજકોટના ડીસીપી ઝોન-૧ તરીકે નિમણુંક આપવામાં આવતા રાજકોટ ડીસીપીઝોન-૧નો પ્રવિણકુમારે ચાર્જ સંભાળી લીધો છે.
