નર્મદા જિલ્લામાં સ્ટેચ્યુ ઓફ યુનિટીની નજીકના ગામડાઓમાં રહેતા આદિવાસી લોકોને ગુરુવારે ગુજરાત હાઈકોર્ટ તરફથી રાહત મળી હતી. હાઈકોર્ટે જુદા જુદા ટુરિઝમ પ્રોજેક્ટ માટે જમીન સંપાદન પર કોઈ કાર્યવાહી ન કરવાનો રાજ્ય સરકારને આદેશ આપ્યો છે.
કેવડિયામાં સરદાર સરોવર ડેમની નજીક સરદાર પટેલની પ્રતિમા પાસે છ ગામની જમીન સંપાદનના વિરોધમાં કરાયેલી જાહેર હિતની અરજીમાં સુનાવણી કરતા સમયે ચીફ જસ્ટીસ એ.એસ દવે અને જસ્ટીસ બિરેન વેષ્ણવની બેન્ચે આદિવાસીઓને રાહત આપી.
