વિશ્વ પર્યાવરણ દિન નિમિતે આજે શ્રી ઓ.વી.શેઠ રીઝનલ કોમ્યુનિટી સાયન્સ સેન્ટર અને ગુજરાત પોલ્યુશન કંટ્રોલ બોર્ડ દ્વારા પર્યાવરણ બચાવો અભિયાન સાથે સાઈકલ રેલી યોજાઈ હતી જેમાં મ્યુનિસિપલ કમિશનર બંછાનિધી પાણી જોડાયા હતા. વહેલી સવારે જીપીસીબીની ઓફિસ ખાતેથી આ રેલીનો પ્રારંભ થયો હતો.
આ રેલી કિશાનપરા ચોક, જિલ્લા પંચાયત ચોક, ડો.યાજ્ઞિક રોડ, મ્યુનિસિપલ કોર્પોરેશન ઓફિસ, ત્રિકોણબાગ, જયુબેલી ચોક, ફુલછાબ ચોક અને કિશાનપરા ચોક થઈ સાયન્સ સેન્ટર ખાતે પૂર્ણ થઈ હતી. રેલીમાં બહોળી સંખ્યામાં પર્યાવરણ પ્રેમીઓ જોડાયા હતા.
