પેલેસ રોડ ઉપર આશાપુરા મંદિર સામે એસો.નાં હોદેદારો અને સભ્યોની વિશાળ હાજરીમાં ફટાકડા ફોડી જીતનો જશ્ન મનાવ્યો
રાજકોટ ગોલ્ડ ડિલર એસોસીએશન દ્વારા આતશબાજી કરી ભાજપની જીતને બિરદાવાઈ હતી. ભારતીય જનતા પાર્ટીની જીતની ઠેર-ઠેર ઉજવણી કરવામાં આવી રહી છે ત્યારે રાજકોટ ગોલ્ડ ડિલર એસોસીએશન દ્વારા દેશની સરકારને વધામણા કરતા આતશબાજી કરવામાં આવી હતી અને આ આતશબાજીમાં રાજકોટ ગોલ્ડ ડિલર એસોસીએશનનાં પ્રમુખ ભાયાભાઈ સાવલિયા સહિતનાં તમામ ગોલ્ડ ડિલરો જોડાયા હતા અને ભાજપ સરકારને આવકારી હતી અને ભાજપ સરકાર જયારે લોકોનાં કામો કરીને લોકોનાં દિલ જીત્યા છે ત્યારે બીજીવાર બહુમતી હાંસલ કરી છે ત્યારે ઐતિહાસિક જીતને બિરદાવી હતી.
રાજકોટ ગોલ્ડ ડિલર એસો. સોની બજાર પેલેસ રોડનાં ભાયાભાઈ સાવલીયાએ અબતકને જણાવ્યું હતું કે, 
ભારતીય જનતા પાર્ટીની જીત એ સમગ્ર દેશની જીત ગણી શકાય તેમ છે અને ગુજરાતની જનતા માટે આ દિવસને સોનેરી દિવસ ગણી શકાય અને આ દિવસને અમે આતશબાજી કરી વધાવ્યો છે. જયારે સમગ્ર હિન્દુસ્તાનનીઅંદર ભગવો લહેરાયો છે જેનો અમને ખુબ જ આનંદ છે અને આજ સુધી લોકોને ઉપયોગી સારા કાર્યો કર્યા છે ત્યારે આખા દેશમાં તેઓ છવાયા છે. બધાનાં મુખમાં એક જ નામ છે નરેન્દ્ર મોદીનું જે ખુબ જ સારી બાબત છે અને તેમને આવકારી દેશનાં વિકાસમાં સહભાગી બન્યા છીએ.
રાજકોટ ગોલ્ડ ડિલર એસો.નાં કાર્યકર વિજયભાઈ ઉદેશીએ અબતકને જણાવ્યું હતું કે,
નરેન્દ્ર મોદી અને અમિત શાહને અભિનંદન પાઠવું છું અને આ જીતનો દિવસ ભારત દેશ માટે સુવર્ણ દિવસ કહેવાયો છે ત્યારે બહુમતી મેળવી બે-બે વાર સરકાર બનાવવી એ ખુબ જ સારી બાબત છે. દેશની જનતાને મોદી સરકાર પાસેથી ખુબ આશા રહેલી છે અને ૫ વર્ષમાં મોદી સરકારે ઘણા કાર્યો કરી બતાવ્યા છે અને લોકોની આશાને સંપૂર્ણ રીતે પુરી કરી શકયા છે ત્યારે આવનારા ૫ વર્ષમાં લોકોએ જે મોદી સરકાર પર વિશ્ર્વાસ મુકીને બહુમતી આપી છે જેમાં ફરી એકવાર મોદી સરકાર લોકોનાં કામ કરી દેશને આગળ વધારશે તેવી સંપૂર્ણ આશા છે.
