મોરબીના ગ્રીન ચોક વિસ્તારમાં રહેતા ધ્રુવકુમારસિંહ ઉર્ફે ટીનુભા પ્રહલાદસિંહ જાડેજાને ટ્રાવેલ્સનો વ્યવસાય હોય જેની બસના ડ્રાઈવરે ટીનુંભાના ભત્રીજા જયરાજસિંહ સાથે રૂપિયાની લેતીદેતી હોય જે મામલે ટીનુંભાએ ભત્રીજા જયરાજસિંહને ઠપકો આપ્યો હોય ગઈકાલે સાંજે બનેલા બનાવ બાદ આજે વહેલી સવારે સમાધાન માટે ટીનુંભા જાડેજા તેમજ ભત્રીજો જયરાજસિંહ સહિતના એકત્ર થયા હતા જોકે કોઈ કારણોસર સમાધાન થયું ના હતું અને મામલો બીચકયો હોય જેમાં ભત્રીજા જયરાજસિંહે તેના કાકા ટીનુંભાને તીક્ષ્ણ હથિયારના ઘા ઝીંકી દઈને હત્યા કરી છે તે ઉપરાંત બે રાઉન્ડ ફાયરીંગ પણ કરવામાં આવ્યુ હતું.
ટ્રાવેલ્સ સંચાલક ટીનુંભાની હત્યા કરી દેવામાં આવી હોય તે ઉપરાંત અન્ય વિમલ હર્ષદગીરી અને અર્જુન દિગ્વિજય ઝાલા એ બંનેને ઈજા પહોંચતા સારવાર માટે ખાનગી હોસ્પિટલ ખસેડાયા છે હત્યાના બનાવની જાણ થતા પોલીસ કાફલો સ્થળ પર તેમજ હોસ્પિટલ ખાતે દોડી ગયો હતો અને વહેલી સવારે હત્યાના બનાવથી સમગ્ર પંથકમાં ચકચાર મચી છે
