વિધાનસભા બેઠકની પેટાચુંટણી માટે કોંગ્રેસના ઉમેદવારો આજે ફોર્મ ભરશે
ગુજરાતની ૨૬ લોકસભા બેઠક સાથે રાજયમાં અલગ-અલગ કારણોસર ખાલી પડેલી વિધાનસભાની ૪ બેઠકો માટે ૨૩મી એપ્રીલના રોજ પેટાચુંટણી યોજાવાની છે. આજે ઉમેદવારી ફોર્મ ભરવાના અંતિમ દિવસે આજે માણાવદર, જામનગર અને ધ્રાંગધ્રા બેઠક માટે કોંગ્રેસના ઉમેદવાર ફોર્મ ભરશે.
માણાવદર વિધાનસભા ભાજપના ઉમેદવાર જવાહરભાઈ ચાવડા અને કોંગ્રેસના ઉમેદવાર અરવિંદભાઈ લાડાણી વચ્ચે જામનગર ગ્રામ્ય બેઠકમાં ભાજપના ઉમેદવાર રાઘવજીભાઈ પટેલ અને કોંગ્રેસના ઉમેદવાર જયંતીભાઈ સભાયા વચ્ચે જયારે ધ્રાંગધ્રા-હળવદ વિધાનસભા બેઠક પર ભાજપના ઉમેદવાર પરસોતમભાઈ સાબરીયા અને કોંગ્રેસના ઉમેદવાર દિનેશભાઈ પટેલ વચ્ચે સીધી જ ટકકર જામશે.
ઉંઝા વિધાનસભા બેઠક માટે હજી સુધી ભાજપે ઉમેદવારના નામની જાહેરાત કરી નથી. સંભવત: અહીં આશાબેન પટેલને ટીકીટ આપવામાં આવે તે ફાઈનલ માનવામાં આવી રહ્યું છે. તેઓના નામની ભાજપ દ્વારા સતાવાર ઘોષણા કરવામાં નહીં આવે પરંતુ સીધુ જ મેન્ડેટ આપી દેવાશે.
