ટીવી, રોકડ અને મોબાઈલ મળી રૂ.૧૭ હજારનો મુદામાલ કબજે
શહેરના ૧૫૦ ફુટ રીંગ રોડ પાસે આવેલા શીતલ પાર્ક પાસે અયોઘ્યા રેસીડેન્સીમાં બ્લોક નં.૨૬માં ક્રિકેટનો સટ્ટો રમાડતો હોવાની બાતમીના આધારે ક્રાઈમ બ્રાંચના સ્ટાફે દરોડો પાડી રૃ.૧૭,૧૦૦ના મુદામાલ સાથે વણિક શખ્સને ઝડપી લીધો છે.
આ અંગેની પોલીસમાંથી પ્રાપ્ત વિગત મુજબ અયોઘ્યા રેસીડેન્સી બ્લોક નં.૨૬માં રહેતો તેજસ ઉર્ફે નાનુ સુરેશ બગડિયા નામના વણિક શખ્સે આઈપીએલની રાજસ્થાન રોયલ અને સનરાઈઝ હૈદરાબાદ વચ્ચે રમાતા મેચ પર સટ્ટો રમાડતો હોવાની બાતમીના આધારે એ.એસ.આઈ ડી.પી.ઉનડકટ, હેડ કોન્સ. જગમાલભાજ ખટાણા, મયુરભાઈ પટેલ અને સંતોષભાઈ મોરી સહિતના સ્ટાફે દરોડો પાડી તેજસ ઉર્ફે નાનુની ક્રિકેટ સટ્ટો રમાડવાના ગુનામાં ધરપકડ કરી છે. તેની પાસેથી મોબાઈલ, એલઈડી ટીવી, સેટઅપ બોકસ અને રોકડ મળી રૂ.૧૭,૧૦૦નો મુદામાલ કબજે કર્યો છે.
