કચ્છના ગાંધીધામમાં રાજવી રેલવે ફાટક પાસે આવેલી ટાયર પંચરની દુકાનમાં બ્લાસ્ટ થતા એકનું મોત નીપજ્તા અરેરાટી પ્રસરી જવા પામી છે..
બનાવ અંગે મળતી વિગતો મુજબ , ગાંધીધામના રાજવી ફાટક પાસે આવેલી ન્યુ ટેગીયા ટાયર સર્વિસ નામની દુકાન માં બ્લાસ્ટની ઘટના બનવા પામી હતી. હવા ભરવાના કમ્પ્રેસરમાં એકાએક બ્લાસ્ટ દુકાનના પતરા પણ ઉડી ગયા હતા.બ્લાસ્ટની ઘટનામાં એક વ્યક્તિનું ઘટનાસ્થળે જ મોત નિપજયુ હતું.જ્યારે અન્ય એક વ્યક્તિ ઇજાગ્રસ્ત થતા તેને હોસ્પિટલમાં ખસેડાયો હતો.
બ્લાસ્ટની ઘટના બાદ આસપાસના વિસ્તારોમાં નાસભાગ મચી ગઇ હતી.બનાવે કચ્છભરમાં ચકચાર જગાવી છે ગાંધીધામ પોલીસે બનાવ ક્યાં સંજોગોમાં બન્યા, બ્લાસ્ટ કઈ રીતે થયો તે દિશામાં તપાસ આરંભી છે.એકાએક બનેલી ઘટનાથી પરિવારજનો આઘાત માં મુકાઈ ગયા છે.
