જાણીતા કલાકારો પૂનમબેન ગોંડલીયા, તુલસીદાસ ગોંડલીયા લગ્ન ગીતોની જમાવટ કરશે: દિકરીઓને ૨૦૦ ચીજ-વસ્તુઓનો કરીયાવર: આગેવાનો ‘અબતક’ની શુભેચ્છા મુલાકાતે
ૐ શ્રી આશાપુરી પ્રગતિ મંડળ વૈષ્ણવ સાધુ સમાજ રાજકોટ દ્વારા વસંત પંચમીના રોજ ૧૧મો સમૂહ લગ્નોત્સવ યોજાવા જઈ રહ્યો છે. સમૂહ લગ્ન રાજકોટ મહાનગરપાલિકાની ઓફિસ સામે ભાવેશભાઈ લોખીલ (આહિર)ના ડેલામાં યોજાશે. આ શુભ અવસરે સંતો-મહંતો અગ્રણીઓ પધારી આશિર્વચન પાઠવશે.
ખાસ મહેમાન પદે સીતારામ બાપુ ગોંડલ, દયારામ ડાડા લોડાઈ (કચ્છ), ભરતભાઈ ભટ્ટ, આશાપુરા મંદિર રાજકોટ તથા અન્ય અગ્રણીઓ ઈન્દ્રનીલભાઈ રાજયગુરુ પૂર્વ ધારાસભ્ય, ગાયત્રીબા વાઘેલા, ટી.કે.ગોંડલીયા પી.એસ.આઈ., તુલસીદાસ ગોંડલીયા જ્ઞાતિના મહાનુભાવો પધારશે.
આ સમૂહ લગ્નમાં રાજકોટના સુપ્રસિધ્ધ વકતા તુલસીદાસ ગોંડલીયા પોતાની આગવી શૈલીમાં કાર્યક્રમનું સંચાલન કરશે. આ ઉપરાંત ગીતાબેન કાળુભાઈ દાણીધારીયા, પૂનમબેન ગોંડલીયા, રાધીકા હરીયાણી તથા તુલસીદાસ ગોંડલીયા લગ્ન ગીતોની જમાવટ કરશે. સમૂહ લગ્નોત્સવને સફળ બનાવવા માટે ભીખારામ બાપુ કાપડી, પી.કે.ગોંડલીયા, હસમુખભાઈ ગોંડલીયા, તુલસીદાસ ગોંડલીયા, બાલકૃષ્ણ ગોંડલીયા વગેરેએ ‘અબતક’ની શુભેચ્છા મુલાકાત લીધી હતી.
